مشكورة خالتي ام محمد يا ام الزين

برمضان شفت عند رفيجتي طقم مطاطير و وايد عجبوني وسألتها سؤال جماهير انستغرام من وين ؟ ترى مو وايد اسأل هالسؤال 😛

المهم قالتلي والله امي بنفسها مسويتهم فسألتها شلون وكنت ابيها تعلمني اي مطبعه علشان اسوي نفسهم قالتلي اسألها وارد لج وكشتت فيني 😛 

المهم بعد فتره كنت متواعده معاها ومن زمان مو شايفتها وبنهاية الطلعه قالت لي امي يايبتلج نقصه !! قلت يمكن متنقصتلي شي ينوكل بما انه رمضان 

جان تطلع لي هالجيس العود ومن طليت فيه جان تييني فرحة عاااااارمه  

يا بعد عمري خالتي بس درت انهم عاجبيني طارت شرت لي المطاطيير و ودتهم المطبعه يا حياتي والله ماقصرتي عالعنوه يعل, نتعنا لج بالافراح يارب

زوووغه المطاطير والفناجيل اللي مكتوب عليهم سم

مطاره الشاي مكتوب عليها اغنية احلام .. تفضل واشرب الشاهي بيالة شاهي عالماشي

ومطارة او دلة القهوه مكتوب عليها البيت المشهور يا ماحلى الفنجال سيحة البال في مجلس مافيه نفس ثقيله

وبآخر يوم رمضان غيرنا فناجيلنا ومطاطيرنا وكل من استانس عليهم واي احد يدخل يجكجك فيهم 😀

مشكورة خالتي اكرمج الله وسم الله عدوج :* 

على فكره ما قالولي من وين 🙁

This entry was posted in Gifts.

8 comments

  1. om saad says:

    ما شاء الله حلوين ..
    لو سمحتي وين المطبعه الي اطبعوا على المطاره

  2. om hamany says:

    ليش ليش بنك مو راضين الله يهداهم انا خبري الكويتيين كريمين مافيهم هالطبع بليز قوليلهم متابعيني يبون يعرفون رقم المطبعه،من معجبه شديده للمدونه:)

  3. سارونة says:

    بصراحة شي مميز

    ولي يسلمج سالي خالتج ام محمد لو تسوي وتبيع تري نشتري منها لان صج شي مميز

    وعليكم بالف عااافية وماقصرت خوووش هديه

Comments are closed.