Ramadan Collection @Fursa_Q8

مريت اليوم فرصه لمشاهدة الكولكشن الرمضاني اللي راح يكون متوفر في المحل لمدة يومين اليوم وباجر ويجمع نخبه من المصممات مثل خيط وابره ودار كفتاني ودار مي وغيرهم 

اول مادخلنا لفتت نظرنا هاللوحات وكانوا راسمينها اطفال السرطان في مستشفى البنك الوطني الله يشافيهم وينباع الوحده ب 10 دك وريعها لأطفال السرطان 

استقبلتنا ياسمين العثمان وبنوتتها الحلوة واختها جمانه اصحاب المكان ورحبوا بالجميع 

واول شي يلفت الانتباه دراعه ياسمين وبنيتها زوووووووغه شتدورين يا ام احمد ادور ابرتي 😀 

jelly Beanz دراريع القرقيعان لليهال من 

وايد حلوين واول مره يسوون شي محلي العاده اغراضهم كلها من بره بس هالمره تراثي واغاني الزمن الحلوة 

حتى الاقمشة مختارينها مقاربه للبخنق والثوب الزري والدراريع الكويتية ايام اول

مجموعه متنوعه من الدراريع والاكسسوارات

علب الشاي وايد راقين يشوقون

لوحات وصواني دانية الجاسم

وكان اليوم وايد حر فما قصروا قدموا لنا بوظة وعصيرات باااارده

امس زارهم السفير الامريكي يشوف المكان واليوم وانا هناك شفت الزوغه صفاء الهاشم اول مره اقابلها شخصيا حدها حدها عسل اتينن وايد حبيتها وهم قابلت المصممه نهى الرومي ياحلوهاااا اتينن ونفسها حلوة مثلها 

شكراً لجمانه وياسمين العثمان على الدعوه وايد استمتعنا ويعطيكم الف عافية ياربي :* 

4 comments

  1. سارونة says:

    ماشالله شغلهم حلو وموفقين
    تري على فكره ( نهي الرومي ) تصير خالتها صفاء الهاشم

Comments are closed.