Chocolate Making @Lazurdkw Central Kitchen

اليوم كنَا بجولة غير .. مكان ماعتقد احد ماوده يكون فيه الككاو وريحته بكل مكان 🙂

المطبخ الرئيسي للازورد لمشاهده حية لعمليه تصنيع الشوكولاته بأنواعها المختلفة 

وصلنا مكانهم بالعارضية الصناعيه الساعه 1 واستقبلتنا ميريام من لازورد

المخبأ السري كان عباره عن اصانصير يخرع بس وصلنا بسلام لله الحمد 🙂

Chef Gizza وصلنا المكان اللذيذ واستقبلنا 

ككاو أنواع وأشكال وألوان يم يم 

في انواع يديدة راح تنزل في محلهم بتاريخ 25/7

ككاو على موز طبيعي كان شي خيال

وتعرفنا ولأول مره على هالحبيبه .. بذرة الككاو 

ومن أول وهله بدوا يشرحون لنا ويعرفونا بالموجود بهالمكان الناطع

انواع مختلفة من الككاو البلجيكي الابيض والدارك والجوكليت بالحليب وبالكراميل 

وذقنا الككاو البيور وعرفنا الفرق بين انواعه المختلفه

 احتياجات كثيرة لمذاقات الجوكليت اللذيذة

زبدة الككاو و بودر الككاو النقي

عندهم 3 الات ب3 انواع جوكليت الدارك والابيض والجوكليت بالحليب وكل مكينه درجه حرارتها مختلفة وهالدرجة الحرارة معينه وضرورية حتى لجودة الجوكليت ولمعانه

كان عندهم طبق (موولد) جاهز الجوكليت وحاشينه بصلصة رازبيري وبدا الشيف يغطيه بالجوكليت الابيض وبعدها حطه على سطح هزاز علشان يتساوى ويطلع منه فقاعات الهوى 

ويدخلونه بمكينه تبريد علشان يجمد ويكون جاهز

وهذا الككاو جاهز بعد ما طلعوه من مكينة التبريد يم يم

وبدوا يسوون نوع ثاني ويحتاج الى يرشونه بلون كشكل قبل صب الجوكليت عليه وعلى فكره الوانهم كلها طبيعيه من الفاكهه 

والحشوة

لازورد راح يسوون دليل لزباينهم بأنواع الككاو والحشوة مع الصور وكان هالفوتوشوتس جدامنا 🙂

بعض انواع الككاو بتغليف جديد راح ينزلونها قريبا

ستاف لازورد 

كانت زياره جميلة ولذيذة ومانطلع الا معانا بسكوت لازورد 🙂 

11 comments

  1. cupofblogging says:

    عليج بالعافية وفعلا جولة ممتعة..وكنت اتمنى اشوفها بالفيديو مع شرح العاملين بالمصنع

  2. نوره says:

    اصــيــر اي شخص اروح له الان مشالله تقريرج عجيييييب فبخاطري اروحله ♥

  3. mariam says:

    y9eer ay a7d yruu7 wla la?? ,, shawagteena.. chan zain ysawon chocolate factory bil kuwait nafs london m7taaajen 7ag hl shglaat

  4. Najla says:

    حلوة فكرة التقرير حلو الواحد لما يشوف مراحل التصنيع وخصوصا اذا كان كاكاو .. الله يعطيج العافية…عندي سؤال ابحار اهم لازورد؟؟؟؟؟؟؟

    • Sn3a says:

      ابحار نفس لازورد
      بس قبل كان ابحار ياخذ الطلبيات الكبيره
      يتروالي الحين دمجوهم

  5. سارونة says:

    ابيه شي عجيب بصراحة عليج بالعافية طيوبه خوش رحله اللله يا الريحة خنينه تروالي من الكاكاو يمي يمي

Comments are closed.