@Ansam518 قهوه فرنسية بالهــيل !!

قبل جم اسبوع عزمتنا انسام على القهوه في بيتهم .. بس القهوه ماكانت عادية ! ولها قصه ..امممم قصتها الله يسلمكم ان والد انسام الله يحفظه كان بيروح الجمعيه وسأل بناته اذا يبون شي فقالوله نبي قهوه فرنسية وقهوه عربية وزيد فيها الهيل وكانت ذيج الحزة يمعتهم ولوية فما سمع عدل ,, لما وصل الجمعية طلب من راعي القهوه انه يسويله قهوه فرنسيه بالهيل !! العامل انصدم متأكد فرنسية بالهيل ! قاله اي بناتي يبونها جذي ! 

لما وصل البيت تفجئوا البنات بالقهوه ولما سووها عجبتهم وكان طعمها حلو مو شين 🙂 فكانت هالعزيمة علشان انسام تذوقنا هالقهوه العجيبة 

والله بالنسبة لي جربتها وايد عجبتني غريبة بس تنشرب وناطعه خوش اكتشاف 🙂

وبما انها يمعه فالسالفه ماتخلى من ما لذ وطاب 

الموهيتو عجيب .. تسلم ايدج انسام حده منعش

البراوني رهيب والكنافه عجيبة والدونت يم يم

والتقينا مع كوكب الشرق وفرقتها 🙂

كروكانتي بيتزا مشكورين عشونا من بيتزتهم الطيبة

وختمناها بجاي اعشاب 🙂

4 comments

Comments are closed.