Review: Shuffle Restaurant

مطعم جديد يدخل دائرة المنافسه مع باقي المطاعم في منطقة الجابرية Shuffle

المميز في شفل هو وجود شاشة عرض (بروجكتور) تغطي جميع حوائط المطعم لتعرض من خلالها مشاهد مختلفة من الفيديو والموسيقى كما يمكنكم حجز المطعم بالكامل لمناسباتكم الخاصة وعرض مايحلو لكم

ديكور المطعم مختلف وجميل جداً متداخل بين الليبورد واللون الذهبي اضافه الى لمسة من الفنتج من خلال المرايات

مع الاسف زيارتي كانت العصر علشان جذي مو مبينه طريقة العرض عدل على الحائط

شعار المطعم (الغوريلا) والتاج اللي على ملاعق وشوك يونس وغريب وحلوة فكرة وجود الشعار على بعض الكراسي

تخيلوا بالليل فترة العشا يكون المطعم جذي وااو

المنيو في مرحلة الطباعه لكن راح يكون هناك منيو لل Soft Opening

يحتوي المنيو على اطباق مختلفة من السلطات والمقبلات والبرجر والباستا اضافه للفروزن يوغرت والسموثيز

Raspberry Blast بدايتنا كانت مع

وهو عباره عن سموثيز مكون من الرازبيري, الاناناس وعصير التفاح

حده منعش وصيفي وفيه لسعة حموضة

Tropical Storm

عباره عن مكس من المانجا, الاناناس, الموز وعصير البرتقال

ناطع وفريش ومنعش بعد

ووصلت المقبلات

Mozzarella Vermicelli

قطع لذيذة من الموزريلا المغطاة بصلصة الافوكادو

وايد وايد حبيته عجيب

Shuffle Salad

خلطه وطعم غريب عجيب بس لذيذ

مكونات السلطة تفاح ومانجا وفراولة وبلوبيري ورازبيري وخس وجزر و ملفوف والدريسنج عباره عن زبادي اوروب مع بقدونس

Sesame Miso Shrimps

عجيب عجيب عجيب مادري شفيني صايره احب الربيان مع اني مو من ربع الزفره والسمج لكن الربيان صديقي وايد احبة

ودخلنا على الاطباق الرئيسية والبداية مع

Shrimp Pasta

ربيان مشوي ومتبل يقدم مع كريم باستا ومشروم

محبي الربيان والباستا ترى روعه لازم تجربونها

Upset Burger

برجر حجمها كبير مكونه من البيكن والبيض مع حلقات البصل والهني ماسترد

البن شكلها عملاق لكن مجرد ما تمسكونها تلقونها حدها حدها فلافي وسووووفت عجيبة بس طلبوا يقصونها لكم علشان تقدرون تستمتعون فيها

ستاف شفل بانتظاركم اعتباراً من باجر من الساعه 2 الظهر حتى 11:30 مساءاً

والعاملين بالمطعم على الدعوة الكريمة والضيافه الرائعه F&B Connection شكراً لشركة

Shuffle Located in Jabriya next to Yogen Fruz

Twitter : @Shuffleq8 Instagram : @Shuffleq8

10 comments

  1. سارونة says:

    اي اي عرفته هذا المحل اخو رفيجتي من بيت ( الشعيبي ) تبارك الرحمن اشتغل على نفسة وكون نفسة بنفسة ماشالله تري المحل اليوغورت تابع له من نفس صاحب المحل الله يهنيه ويرزقة رزق الحلال يارب
    ماشالله ديكورات المطعم عجيبة وفناتك يبيلة تجربة ان شالله

  2. E says:

    - Decoration Fail , i hate seeing animals when eating
    - elshathi mala da3i
    - awal ro7a lena ana o my friend o legaina sh3ar bel rbyan el appetizer o they charged us for the lousy mozarella and drinks
    - awful experience
    - lou3at chabd elsh3ara that my day started with :):):):):) PLeaseeeee keep it clean

  3. mnmn says:

    ابداع وايد عجبني يونيك ما شفت مطعم بالكويت بهالديكورات العجيبه

Comments are closed.