Review : Pinky Bar صالون بينكي بار ومسابقة برعايتهم

وصلتني دعوه من الاخت شهد وشريكتها مي لزياره صالونهم

وتجربة الباديكير والمانيكير عندهم Pinky Bar

وطالما الاسم زوغه ما اقدر ارد الدعوه :D

وصلت وكانت بانتظاري الاخت شهد مشاء الله عليها حبوبة وحسستني اني داشة المكان من قبل من كثر ما اهي اجتماعية مشاء الله عليها

اممممم قبل لا ابدي بالريفيوو بقولكم تابعوا للأخير ترى في مسابقة وفيها 5 جوائز من صالون بينكي بار عباره عن باديكير ومانيكير بالتريتمنت اللي تحبونه .. طبعاً للبنات فقط:)

والحين حلونا نستكشف المكان :)

المكان واللون شراحه .. البينك عجيب ودخول السيلفر والاسود معاه اعجب :)

مع الاسف ما عندهم منيو للتريتمنتات لأنه ليلحين بالمطبعه وهذي انواع من التريتمنت اللي عندهم

الاصباغ موجودة بكل الالوان واغلبهم من ماركة زويا

اضافه للمينكس وعندهم بعد نوع يديد بنفس طريقة المينكس بس بدون حرارة ولاشي تقدرون تشترونه وتركبونه بالبيت بعد

البار وانواع من المشروبات الباردة والساخنه

عطونا هالابليكيشن نعبيه انا ورفيجتي

VIP وكانت بانتظارنا غرفة ال

الكرسي الخاص للباديكير والمانيكير مع المساج وآخر دلع

موسيقى هادية تخفف من توتر اليوم وتخليكم ريلاكس

الادوات معقمة وجاهزة

التريتمنت

بالنسبة لي اخترت الليمون غراس مع الكوكنت كان فريش وريحته اتينن

Arabian Odyssey صديقتي اختارت ال

وقبل لا نبدي عطونا منيو المشروبات نختار اللي يناسبنا

ودقايق وكان عندنا احلى فرنش كوفي ونسبريسو بهالاجواء المريحة

صديقتي خلصت :)

وانا بما اني في بينكي بار لازم يكون اللون بينك مايبيلة بعد :)

لكن لأنهم مدحولي وحدة تشتغل عندهم فنانه في النيلز ارت قررت اني ارسم على ظفري

سؤال المسابقة : شنو تتوقعون رسمت على ظفري ؟؟؟

المسابقه مدتها 4 ايام وسيعلن عن الفائز بالقرعه يوم الجمعه ان شاء الله

بالتوفيق للجميع

حتى لو اختلف الايميل IP ملاحظة : سيتم الغاء اي اجابتين من نفس ال

شكراً لصالون بينكي بار والاخوات شهد بوشهري ومي اللوغاني على الدعوه والضيافة الكريمة وان شاء الله لي عودة لأنه شغلكم مميز .. عسى الله يوفقكم

Pinky Bar Located in Jabria, block 1B , 3rd st. building 146 , 2nd floor

Tel : 25353560

FB (Link)  Twitter (@PinkyBar_nails) Instagram (Pinkybar_nailspa)

123 comments

  1. mahoosh says:

    ما شاء الله حلوووو
    ^_^اتوقع رسمتي لوجو البلوج بينك جيرل

  2. bushra says:

    اصلا شو ما رسمتي راح يطلع حلو عليكي لانك انتي الي بتحليه بس اتوقع انه اللوجو الخاص بالبنت مش متاكده ومش مهم الفوز المهم اقولك انه عن جد انتي صرتي مثل فنجان القهوة صباحا لازم ادخل كل يوم واعيش معك تجربتك وانتي الدليل الخاص فينا بالكويت وكل شي بتذكريه او معظمه لازم اجربه
    thanks alot ya 3asal , go ahead we are waiting for you
    GOOD LUCK

  3. Farah says:

    مِن اللون الأسود والوردي باين كأنه لوقو المدونه
    عاد صج صج محتاجه حق باديكير مانيكير ههه

  4. Sn3a says:

    رسمولج اللوقو اللي كان على الكيكه اللي سوتها لج مدام سوكري باجتماع زين
    شنو بعد تبين تعرفين ;p

  5. bnt jaber Blog says:

    ماشالله كل هذيل بيفوزون لوووول ماشالله عليها فنانة بالريسم باينة شعار البلوق وبالتوفيق بنات انا جاوبت مو عشان افوز بس عشان اغشش لووووول

  6. mnmn says:

    معقوله رسمة البنت على ظفر جنه ما يكفي

    انا اقول وردة ولا فراشه

  7. omgzgz says:

    مشاالله تبارك الرحمن ضبطتها عدل
    الرسمه لوقو المدونه

  8. Sara alabdullah says:

    انا كنت مضيعه مطرشتلج ايميل بالاجابه 

    الاجابه:  لوقو البلوق مالچ(المره لابسه وردي و شايله بيدها جنطه) 

  9. Sara alabdullah says:

    منو فاز خلص يوم الخميس بالليل صرنا اليمعهالفير 

Comments are closed.