خبري بالخيران قبل الغزو ومن بعده كلش ما مريناه حتى زياره
قبل اسبوعين كنت معزومة عند صديقتي .. وشفت الخيران بعد 22 سنة 😀
هذي الفلل اليديدة الكبيرة ومعاها حديقة صغيره خاصه لكل شاليه
وهذي الشاليهات العادية
وحق اللي ماله خبر بالخيران من سنين نفسي وحق زوارنا من خارج الكويت هذا الشاليه العادي من داخل 🙂
غرفتين و3 حمامات وغرفه خدامة مع حمامها وطبعا الصاله والمطبخ وحتى الشوايه موجوده
الفيو الخارجي على الخور
وهذي لقطات لمرافق المنتزه
حبيت فكرة وجود نادي خاص للاطفال بالمارينا
صالة الالعاب وفيها الالعاب الالكترونية اضافه الى البولينج وتنس الطاوله والبيبي فوت وغيرها
وفيها ايضاً مطعم شرمبي وعربانه للمأكولات الخفيفه
مشاء الله المنتزة كان زحمه فما قدرت اصور الالعاب .. العروسة اللي مازالت عروسه رغم مرور اكثر من 25 سنه على وجودها بدون معرس 😛
وبعض الالعاب الترفيهية والحناطير والحصن
القواري من البصمات المهمه في تاريخ الخيران ليلحين موجودين بس طوروهم شوي وحطولهم مظله وهم يايبين موديل يديد
والاساس بطلعات الشاليه والبر .. البلعه 🙂
احلى طلعه شاليه واحلى ناس مشكورة شيوخه وليلى ونوال والبنات والاهل ياحلوكم وياحلو مقعدكم :*
للاستفسار : 23951122
الخيران فكرة جميلة بس يبيله تجديد كامل, ليلحين يحسسك بمسلسل محظوظة ومبروكة :p
لوول محظوظة ومبروكة ماراحوا الخيران قصدك بوهباش 😛
بس صاج يبيلة تجديد وافكار يديدة
يا حلوه اول الايام كان جدا جميل حتى اني لما رحت له بعد الغزو
ما حسيته نفسه و الحين اعتقد انه تغير واااايد عن قبل حتى الناس غير
🙂
ماكو شي يظل على حاله بعدين قبل الغزو ماكان اكو الا الخيران علشان جذي كل الناس فيه اما الحين فأكو غيره اكثر من شي فالناس توزعت 🙂
حداه المنتزه روعه و وناسه الصراحه الي ما يروحلاع يطوفه نص عمره
منتزه الخيران رووووعه ولازم ازوره انا والاطفال كل اجازه ..
شكرا لكم على الصور ..
العفو اخوي محمد
Comments are closed.