مطعم تكا ولومي من المطاعم اللي فتحت مؤخراً في المباركية بنفس المبنى اللي فيه حليب وهيل وتيستي منقوشة لكن بالخلف
المطعم يقدم الاكلات الكويتية الخفيفة والعربية ايضاً
في الداخل 4 طاولات وتلفزيون يعرضون فيه مسلسلات اول مثل درب الزلق
وفي الخارج قعده حلوه والاحلى الخلفيه الموسيقية اللي تحسسكم انكم رديتوا فتره السبعينات والثمانينات كل الاغاني قديمة عبدالكريم عبدالقادر والمهنا وعايشة المرطة عجيب 🙂
اليوم الجو حلو برااااد فقررنا نقعد بره
المنيوو على شكل مهفــه وفيه انواع من المشويات والحمسات ونوع من العيش والحلويات
نزاكة الكلينس مع المملحة والفلفل والكاتشب وشكله يوحي بأيام اول بعد
ووصــل الاكل 🙂
خبز ايراني حار اممممم
والخضره والمخلل
حمص بتكا .. كان لذيذذ
حمسة عامر عباره عن بيديان وزهره وبصل وطماط وبقدونس مع الليمون
حدهااااا ناطعه الحمسة وانا من زمااان خبري بالحمسات حدي حبيتها
تكا ولومي .. تكا غنم متبل باللومي المطحون والبصل المفروم وايي مع الفرايز
التكا يحلوها عنوونة ذربة وطيبه وايد
لبن منعنع يسرسح على القلب
والويترز حبوا يذوقونا شربت البيذان واللومي
وعقب الغدا الزين لازم نعدل راسنا بجويهه ونستمتع بأغنية قومي اوقفي وارفعي البوشية و منسية 🙂
إلبــه أم نواف حدها حدها خطيرررررة لازم تجربونها وترى على حزة العشا تكون مخلصة روحوا مبجر لاتطوفونها
خبز وسكر .. ما حبيته عادي وطعمه فيه حليب بودر مو ذاك الزود
فاتورتنا معقولة 10 ونص دك
الخدمة ممتازة والستاف وايد فريندلي خصوصاً اول وحده من اليمين زووووغه يحلوها
Tikka wa Lumy Located in Almubarkia, Saqran Center, Next 2 Gulf Bank
Tel : 22490858
بسراحة المكان يشوق ودي اروح واجرب الاكل
يا حلوها الفلبينية طماشة
الفلبينية ابو الطماشة اتينن
جربته قبل لايطبعون المنيو وايد اكلهم عجيب احب قعدته وايد والسيرفس حلو
عسى الله يوفقهم
آمين 🙂
Shda3wa kitby bmojama3 alsaquran ☺
لوول والله كنت مستعيله وناسية اسم المجمع
تصويرك بطططططططططططططططططططططططططل صراحا ,,
ممكن اعرف وش نوع العدسه ؟؟؟
تسلمين حبيبتي
كاميرتي نيكون دي 3100
عندهم خدمة توصيل ؟
ma adre walaa
well I did not visit KW since 1975 but soon I will be there
Regard
welcome to kuwait mr sadiq 🙂
والله ودي اروح للمطعم صراحه يشوق
مبروووووووكـ الافتتاحـ
بس حلو ديزاين الفلبينيه بالعمه ههههههههههههههههااااي
Comments are closed.