انواع كثيرة من الصداقات تمر علينا في حياتنا, بعض هالصداقات يفرقها الزمن مثل صداقة المدرسة او الجامعه واللي يكملون مع بعض تكون صداقتهم صداقة عمر وسفينة صداقتهم ماشية حتى لو هزها الموج شوي
كنت افكر اليوم شكثر صديقات مروا علي بحياتي, اقول صديقات بمعنى صديقة مو زميلة يعني اخت يعني دخلت بيتنا وطلعنا ودخلنا وقضينا وقت طويل مع بعض, ضحكنا وبجينا وسولفنا وقلنا لبعض اسرار مانقولها لخواتنا
عندي صديقات يمكن الزمن والشغل والدنيا بعد ساهمت شوي ان تكون لقاءاتنا قليلة لكن ليلحين معزتهم بقلبي وحدة مايغيرها الوقت عكس المثل اللي يقول بعيد عن العين
بعيد عن القلب لاوالله ليلحين رغم بعدهم مكانهم موجود وبذاكرتي لهم مواقف لا يمكن انساها مابي اقول بالفرح بس لأن اغلب الناس اصدقاء او غيرهم بالفرح بيكونون حواليك لكن بالحزن او الضيق يبين معدنهم
و وقفتهم الصادقة خصوصا بهالوقت
قال ابو حيان التوحيدي:
الاصدقاء نوعان .. نوع للمحن وهم الاطول عمرا ..
ونوع يشبه الزهور التي نزين بها المواكب
فما ان ينتهي الموكب حتى تذبل وتنتهي .. فاحرص على النوع الاول
الحمدلله ان ربي خصني مو بصديقات لكن بخوات دنيـا عسى الله يحفظهم ويسعدهم ويتمم علينا بصداقتنا ولا يفرقنا
صديقاتي احبكم ♥
قولولي شلونكم مع صديقاتكم ؟ 🙂
Wanaa a7ebich akthaaaaaaar yal7abeeeeba:*** sij enaa manetshawaaf lakin blgalb
b3d 3omree om 9alo7i :*
El’3alya PinkGirl allah la y7rmna mnech inshalla :*
Ana Mel-C in spice girls ayam elthnawya, hope u remmeber who am i
Luv u and miss u
A7la Mel C sha5bareeeeee 😛
waaay ya 7lo ayam althanwya o al 5bal 😛
miss u & love u 2 ya al ‘3alyaa :*
Ee7na ba3ad ne7ebech pretty pink o allah la yfaregna wala eghayer 3aleeeeena
Ameeeeeeeen, luv u :****
بنكية نزلتي دموعي والله صج عندنا صداقات تمر علينا مرور الكرام بس في بعض الاحيان اهالصداقات تأثر علينا اما بالطريقة الإيجابية والا بالطريقة السلبية فيكون انسحابهم من حيا تج احسن ، ولا والله في صديقات مهما غبتي عنهم يكونون في بالج على طول حتى لو لقائك نادر معاهم بس موجودين بالقلب .
تصدقين بنكية اليوم المغرب مارة على ثانوية المنصورية واتذكرت شلتنا الي كنتي مسميتها انتي.شلة الإنس وكنتي معطيتنا كل وحدة بطاقة عضوية تدرين لي الحين عندي الكرت
وانا بالسيارة قاعد اقول حق نفسي جان زين ترد ايام اول بس عشان أتي مع مع رفيجاتي ونرد مثل قبل كل وحدة قلبها عالثانية
بنكية انتي من الصديقات الي ينقال عنهم عملة نادرة في زمن صعب
بعد قلبي انتي الغلا كله عاد مايقايشج احد يا ام نفول صج ما نشوف بعض وايد بس انتي غير
لوول شلة الانس صارت شلة خواره ما يبينون مثل بيض الصعو خخخخخ اهم شي الكرت ترى ان ضاع مشكله 😛
الله يديم صداقتكم ع الحب والخير
والحمدالله صديقاتي اجمل الناس الي مروا بحياتي
صج مانشوف بعض مثل قبل بسبب الدراسه والتخصصات
بس تواصلنا بالتليفون والمسنجر والواتساب والزواره
هي الي مقويه صداقنا والله يديمها علينا يا رب
عسى الله يجمعكم دايم عالخير ولا يفرقكم يالغاليه
الحمدلله عندي رفيجات حسبة خوات .. الله لايفرقنآ و يخليهم لي و يخليني لهم (:
حتى انتي بنك قيرل صديقتي ” الانترنتية ” من ايام بلوقج القديم (:
عساج عالقوة
حبيبتي والله تشرفني صداقتج يالغاليه
صراحه ماكو احلى من الصداقه
انا عندي صديقات وايد لكن الانشغالات خلتنا بعاد عن بعض كل وحدده انشغلت لكن نحاول نتواصل ويه بعض عن طريق التلفونات واذا قدرنا نتزاور والحين ماقصر البي بي ام والواتس اب خله التواصل اسهل بوايد
الحمدلله عندي صداقات وايد اقدر اقول عنهم اهما بالنسبالي خواتي اللي ماولدتهم امي لانهم فعلا وقفوا وياي بأفراحي واحزاني
وفيه صداقات لمصلحه وبس الله يبعدنا عنهم ان شاء الله
عسى الله يدوم صداقتكم ولا يفلاقكم يارب ويبعدنا عن صديقات المصلحه
كثير من الناس مروا علي في حياتي اعتز بمعرفتهم والحمدالله عندي صداقات عزيزة علي قلبي لكن انتي من صداقات الطفولة ومن اهل المنطقة وجيران وصديقة مراحل المدرسة كلها يعني صديقة جدا مميزة مع ان الدنيا شاغلتنا وااايد عن بعض وللأسف التقصير دائماً من جانبي الا انك تظلين إنسانه جدا غالية علي قلبي لان صعب نلقي صديقة مثل وفاءك وأخلاقك في هالزمن وهالبوست اللي سويتي يعكس وفاءك وإخلاصك وتقديرك لمعني الصداقة .. لك مني كل الحب والتقدير يا صديقتي الغالية
بعد قلبي تسلمين لي على هالكلام الحلو ولو اني ماعرفت من انتي بالضبط مو مبين من الاسم بس عسى الله لا يفرقنا ياربي :*
انتي من الناس اللي تعرفت عليهم من فتره قصيره واعتز اب صداقتهم :***
اخت دنيا مثل ما يقولون عسى الله لا يفرقنا
صج ما اشوفكم وايد بس مكانكم بالقلب
حبيبتي انا اللي تشرفت بتعرفي عليج يالغاليه وترى ولهنا عليج وايد مختفيه يالله شوفي يوم نشوفج 😛
كتيييييييييييييييييير الصور نايس يعني عنجد روعة بس قلال كانوا بس يعني جد نااااااااااااااااااااايس Thanks
Comments are closed.