الافنيوز يعتبر الآن معلم من معالم الكويت وصرح حيوي مهم ينتظر الجميع اكتمال بنائه
سيشهد شهر سبتمبر القادم ان شاء الله افتتاح التوسعه الجديدة (المرحله الثالثه) بالافنيوز وستكون على مساحة 95,000 متر وسيكون بها 400 محل و5000 موقف للسيارات
قامت ادارة شركة مباني المشرفة على مجمع الافنيوز بدعوتي مع عدد من المدونين لجولة في المرحلة الثالثة وتغطيتها
نقطة التجمع كانت بمطعم بي كيو حيث ضيفنا فريق الافنيوز بالخفايف والمشروبات الباردة والساخنه حتى يكتمل العدد وتبدأ رحلة استكشاف الجزء الجديد 😀
بدينا الجولة بمكاتب ادارة مباني وكان في مجسم كبير لمجمع الافنيوز
كلمة لمديرة العلاقات العامة والتسويق في شركة مباني شعاع القاطي وبعدها تم عرض تسجيل انيميشن لمجمع الافنيوز بمرحلته الجديدة
صار وقت الاستكشاف والفضول كان عندنا كلنا لرؤية الجزء الثالث 😀
خريطة تبين اجزاء المرحلة الثالثه بالافنيوز
الخاص طول فترة الجوله Helmet ونبهونا ان لازم نلبس ال
وكشخنا 😀
وحتى بو راشد كشخ بالقبعه 🙂
علياء الغنيم من فريق مباني تكفلت بشرح كل ما يخص المرحله الثالثة والرد على كل الاسئله
جاهزين معاي ؟؟؟؟ يالله توكلنا على الله ونبدى بالقسم الاول من المرحلة الثالثة
Grand Avenue
ومثل ما انتوا شايفين مساحة رحبه وممر طويل مثل الشانزيليزيه وتصميمه يجمع بين الذوق الاوربي والاقليمي المعاصر والسقف شفاف وايد شرح وبيكون موجود فيه بوتيك هارفي نيكلز بفرعه الاول بالكويت
Prestige
هالقسم راح يكون للماركات العالمية وتصميمها راح يكون فاخر 🙂
Soku
القسم الشبابي سيكون في هذه المرحلة حيث يستوعب هذا القسم جميع العلامات التجارية التي يفضلها الشباب اضافه للمطاعم والمقاهي
مكان لنافورة
Souk
هذا القسم سيكون مباركية الافنيوز .. التصميم كويتي تقليدي تراثي حيث الممرات الصغيره والمحلات الملمومة اضافه الى السقف من الخشب والباسجيل على طريقة بيوت الاجداد
ويقولون اكو مطاعم بعد تبيع نخي وباجيلا وحوايين وكل شي يتعلق بتراثنا علشان جذي قالوا مباركية الافنيوز 🙂
Gold Souk
تضم المرحلة الثالثة ايضاً سوق للذهب بمحلات جميله صغيره متصله بالسوق
The Mall
وهو المنطقة الفاصله او الامتداد بين المرحلة الثانية والثالثه من الافنيوز وايد شرح المكان وراح يكون فيه كيدزانيا وجيز كيك فاكتوري ومجموعه من المطاعم الاخرى منها المطاعم اللي كانت عند النافورة مثل كاسبر وستاربكس وانتركوت وغيرهم
العمال عسى الله يعطيهم العافية خصوصاً بهالوقت بدى الجو يحتر
بعد ما شفت هالمرحلة اقدر اقولكم الافنيوز الحين خطير بس بعد شهر 9 ان شاء الله بيكون اخطر واحلى واكبر مجمع بالشرق الاوسط وعمار يالكويت
والخبر الاحلى بعد فيز 3 بيكون بإذن الله فيز 4 و 5 بعد 🙂
مصور الافنيوز جكجك فينا ليما شبع خل نجكه جكه وحده 😛
بعد جولتنا تمشينا بالافنيوز مغبرين 😛
متشوووقه لافتتاحه وخووووش تقرير يعطيج العافيه عليه
حده ممتع والاحلي هارفي نيكلز ولايهون باجي المحلات
شكرااااا بنوووكه
الله يعافيج حبيبتي ,, اي والله كلنا متشوقين
يعطيج العافية بنكية عالتقطية بصراحة شوقتينا حق المرحلة اليد يدة من المجمع
الله يعافيج حبيبتي 🙂
الله وناسه يعطيج العافيه بنوكه علي التقرير الي يشوق
الله يعافيج حبي
توني شفته بمدونة من اكون , بس هني الصورة اوضح لوووووووول ماشالله ماشاللــــــه تبارك الله هذا بالكويت !! لا اله الا الله لوول مو مصدقة كل شي كنت اشوفه برا الكويت الحين يابوا هني واااااااااي مستانسة والديكورات واايد حلوة جنة بلندن او البندقية لووول ونااسة متشووقة وااايد على افتتاحه وخاااصة السوق القديم لاني امووت على جذي اماكن وامي بتستانس اكثر الله يوفقم يااااااارب والله صج تعب الله يعينهم ويمدهم بالصحة والعافية يارب ومشكوورة بنكية على التقرير وانا اعتقد فيز 4 و5 بيطلع صالة العاب وسينما وحمام سباحة هههههههههههه
العفو حبيبتي ,, وان شاء الله على طول الكويت فيها مشاريع تشرف جذي
Thank u pinkgirl 3ala hal taghteya
3amar ya kuwait
u welcome dear 🙂
تغطيه رائعه جدا وتشرفنا فيكم
شكراً عبدالله وماقصرتوا على الدعوه وايد استانسنا فيها
مافي معلومات ولو بسيطة عن الفيس الرابع والخامس؟
وألف شكررررررر لج مرة ثانية ع البوست
لا والله ماقالوا الا عن احتماليه افتتاح فندق
والعفو اخوي
واي مو مصدقة وناسة حدي مشتوقة
وانا اكثر منج 🙂
متى الافتتاح بالظبط الحين إحنا بنص تسعه
احنا ناطرين معاكم 🙂
Comments are closed.