يوم التحرير غالي على كل كويتي والاحتفال فيه له طعم ثاني
هالسنه الذكرى 21 على التحرير مشاء الله السنين مرت وماحسينا فيها
لكن راح نظل نحتفل ونحتفل ونحتفل لو بعد مليون سنه لأنه اللي شفناه ب 2/8/90 كان مو سهل وانوار 26/2/91 كانت لا تنسى الف الحمدلله على نعمة الحرية والامن والامان وعسى الله يدوم عزج يا كويتنا
هالسنه انعزمت بأكثر من مكان بهاليوم والكل له معزة بقلبي لكن لابد من الاختيار وما قدرت ارد عزيمة بيت المفيدي
هالسنة الحفلة في بيت المرحوم بإذن الله الفنان علي المفيدي غير بين بناته الغاليين على قلبي وبوجود شمعة البيت ام حسين ربي يحفظها لعيالها
تذكرت وانا قاعده بالحفله كلمة قالها المفيدي بعد التحرير بفيديو كنت شايفته على اليوتيوب (التحرير ذكرى سوف لن تمحى من ذاكرة اي كويتي او خليجي حتى اجيال عديده قادمه) فعلاً يا بوحسين اليوم احنا نحتفل في بيتك بهاليوم بين احفادك اللي ما شهدوا يوم التحرير لكن احتفلوا فيه معانا اليوم لانه يوم لن يمحى من الذاكره فعلاً
احلى زينه لعيد التحرير
وهذي زيونه المزيونه بنت الحلوه ابرار المفيدي كاشخه بعلم الكويت
وكيكة الحفلة .. لوول حسافه صورتها بالمقلوب ما لاحظت الا عقب
وكب كيك العلم 
والحفله كويتية بحت حتى بالاكل .. مجبوس ايمان المفيدي شي مووووو صج امووون تسلم ايدج 
ومفاجآت برور سحب على هدايا اخر الحفلة وفازت اخيتي بهدية 😀
والله احلى يمعه واحلى بنات .. خالتي ام حسين, ام طلال (سهير), ايمان, نرجس, خلود, ابرار بعد قلبي اكرمكم الله ماقصرتوا استانسنا وايد معاكم عسى الله يزيد افراح كويتنا ونتيمع دوم على الفرح
فديت قلبج والله أنتو ماقصرتو بحضوركم أنتو غالين علي والله بچيتيني فديت قلبج وحياك الله والصراحه أكيد ولا كويتي ينسى هالايام (هاذي لكويت صل على النبي )ومشكوره يالغاليه وعسى كل أيامنا افراح ومادري شقول عسى ربي يوفقج
بالعافيه عليكم الحفله الحلوه
والله يجمكم كل سنه على خير ومحبه
الاخت ابرار كانت معاي بثانوية الجزائر
وكنا آخر الدوام نتأخر على اهلنا عشان كنا ننطر نشوف رحمة الله عليه فناننا العزيز على المفيدي
وهو ياخذ بنته
الله يوفقكم ويزيد محبتكم
الله يعافيج حبيبتي .. امين
ياحلووكم عاد بهالعمر ما نصدق على الله نشوف فنانين نرتز هههههه
حياتي ماتبجين الا بفرح يالغاليه
انتي اللي مشكورة ونستينا معاكم وكان يومنا بعيد التحرير هالسنه عيدين معاكم يالغاليين :*
كل عام و الكويت و اهلها و الوطن العربي الاسلامي بالف خير و الله يكفينا شر الفتن
و حلو بنك انك دخلتينا معك بجو الاحتفالات و خصوصا بيت المفيدي thanx a lot
وانتوا بخير ياربي .. آمين 🙂
I’m from Saudi Arabia / Riyadh and I’m really like your blog
thanks alot and hope u enjoing it 😀
كل الشكر لج حبيبتي (طيوب)على كلامج الراقي وانتي انسانة معرفتها مكسب.
بعد قلبي ام طلال انتوا اللي مكسب والله فديتكم :*
Comments are closed.