جولة في سـوق المبـاركيـة

سوق المباركية ما يحلى الا بالشتا الجو حلوو والتمشي فيه يونَس

والبضايع اللي فيه ترى تشوق و مواكبين الموضة بعد كشخه المباركية مو هيَن

قبل اسبوعين تواعدت مع البنات نتعشا بالمباركية (اضغط هنـا) وكنت موجودة بالمباركية قبلها بساعه تقريباً فقلت اخذ وقتي بالتمشي والتجكجك

Pinko is here 😉

كشخه شوفوا باكيج المنيكير

الباتش عندهم اشكال والوان وماركات بعد على نص دينار

الرموش الوان واشكال وطوال وقصار وفناتسيا بعد

موجود بالمباركية وحق الكبار والصغار UGG

يختي والله شوفي الدلاق الزبوووط

اما اللي صج مقتحمين المباركية السنـــافر بكل مكان صورهم صج هبه

كفرات كرستال للموبايلات ويسوون على حسب الطلب

الحجابات القطن متوفره بأنواع مختلفة ووايد ارخص من المحلات اللي بالجمعيات

محلات بو 100 فلس الله يديم الرخص

ATM احلى شي انهم حطوا مكاين

اللي بيروح المباركية وبالشتا بعد مايطلع الا بيده جياس الحلويات الكويتية الدرابيل والرهش وكيك بوطراد والقرص عقيلي ولسان الثور والسمسمية وغيرهم

البفك عندهم انواع اول مره اشوفها .. خذيت لعيال اختي اللي على تويتي استانسوا عليه

الخضرا والفواكهه تشوق

الزيتون والمخلل

البهارات وربعها

التمور

فكرتهم حلوة انهم سكروا الشارع وخلووه للمشاة واحلى شي الليتات اللي بالارض نايس

The Side Talk وعلى الطاير الليتات مع

كشك الشيخ مبارك الصباح (اضغط هنـا) وتم تجديدة وافتتحه سمو الشيخ صباح الاحمد الصباح سنة 2011

هالسميجة صورتها وانا طالعه من المواقف وبسميها سميجة دندرمة لأنها تحبها 🙂

وهذا مطعم عبدالرحمن العقل مازال موجود بنهاية السوق

انصحكم خصوصا هالايام لازم تروحون وتتمشون وتستمتعون واتشرون ترى ماكو على القديم

قديم الصوف ولا يديد البريسم ومالكم الا سوق المباركية يا عيال الحجيه 😀

16 comments

  1. haddawi :* says:

    وااااي ونااسة شكلي بروح باجر ذكرتيني فيه منزمان وانا اقول بروحله وانساه 😛

  2. Marron Glace says:

    خوش جولة صراحة و احلى ايام لزياره هالاماكن
    بهذه الاجواء البارده

  3. Cherie says:

    ماشاء السوق واااايد حلو واحلى شي التمشي في الشتا ,وااايد حبيت الاضاء الي بالارض

  4. mimi says:

    I CAN’T BELIEVE that you didn’t mention the famous Mbarkeya Samboosa ! 🙂 it’s the best in Kuwait lol

  5. نزهاويه says:

    قبل اسبوع رحت وناسه بس كان برررد موت ثلجنا
    و حبيت التجديد اللي صار صوب المطاعم
    المظلات و النافوره و الليتات اللي بالارص بسكة الغربللي

    • PinkGirl
      PinkGirl says:

      اي صاجه هالايام البردد موطبيعي انا اذا رحت هناك متعلمة البس كل الكبت لوول

Comments are closed.