Review : Ryoog ريــوق

هالايام وبهالجو اللندني يحلى الريوق شلون اذا صار الريوق بمطعم ريوق 🙂

صديقتنا الحجية فاطمة من يت من الحج ماشفناها وقررنا نريقها مكان تختاره بنفسها وفرصة تسولف لنا عن حجتها الله يتقبل منها ومن جميع الحجاج

عاد قالت لنا انها مجربة ريوق وعاجبها قلنا يالله

بيني وبينكم استانست لأن من زمان اسمع فيه وما اسنحت لي فرصة اجربة

وصلنا الساعه 9 ونص وكان المكان زحمه مشاء الله لكن الحمدلله حصلنا مكان برا

القعده اتينن والجو اينن واختيار موفق

استقبلنا هالشخص ماعرف اسمه بس وايد حبيت احترامه لشغله وابتسامته وحرصه ان كل شي يقدم لنا بأفضل طريقة .. ريوق اخترتوا الشخص المناسب بالمكان المناسب برافوو عليكم

(Picture taken by MoodyNcheeky)

المنيو متنوع ويشهي

Click here & here for the menu

عصير البرتقال يشوق في قلاصات تشبهه قلاصات المربى

حليب وهيل

طلبنا الريوق الشرقي وكان يتضمن هالستاند التوست المحمص والصمون والزبدة و3 انواع من المربى

الفطور الشرقي عباره عن الفول والفلافل واللبنه واصابع الجبن ومكدوس البيديان وجبن الفيتا

وايد وايد عجبني لذيذذذذذ انصحكم فيه 

جبز ايراني حااار

Vegetables omelette

وايد لذيذة

ميوسلي او كورن فليكس مع الحليب والفواكهه والعسل

واحنا قاعدين مرتنا هالضيفه اللي ذكرتني بلندن يحلوهااا لا اذتنا ولا خرعتنا قعدت على الكرسي الفاضي نطرتني اصورها وطارت ههههه يحلو من زار وخفف 😛

وختمنا ريوقنا بالبان كيك حدها حدها ناطعه مع السيرب يمي يمي

الفاتورة حدها معقولة 14,400 دك تجربة وايد لذيذة وحلوة وان شاء الله بكررها .. لا يطوفكم ريوق 😉

Located : Sha’ab al Bahri, Block 8, Street 80, Next to Villa Fairouz

Tel : 22639378

FB (Link)

19 comments

  1. Sna al fedha@q8yat says:

    عليج بالعافيه المكان حدده يشووق والجو ماشالله صاير اينن يشجع علي الطلعات
    خوووش تقرير بنكش

  2. اسورة says:

    بالعافية بصراحة وايد سمعت عنة والحين اتاكدت منج لإن ذوقك وايد حلو

  3. fatma says:

    بعد قلبي بنوكه كانت خوووووووووووش طلعه و استانست وياها ومع صافي :*****
    ومنا ومنج صالح الاعمال نواره و الفال لج يارب تحجين حجه خفيفه و سهله
    وعجبتني فكرتهم و كانت شي يديد انهم ما زاروني بالبيت خذوني بره والجو حدددددددددده عجيب

    • PinkGirl
      PinkGirl says:

      امين يارب حبيبتي وتستاهلين اكثر وان شاء الله اليايات اكثر 🙂

  4. نزهاويه says:

    جربته مره بس عشا و عجبني حيل
    الاومليت كنت طالبتها لذذذيذه بس ما تنفع حق رجيم لان فيها وايد زيت 😉

    عليكم بالعافيه و تقبل الله طاعة رفيجتج 😉

    • PinkGirl
      PinkGirl says:

      الله يعافيج حبيبتي تسلمين
      عاد بيضتنا زينه ماكانت متروسه زيت 🙂

  5. Suha Ali says:

    أنا مجربة المطعم وحيل عجبني والقعدة عجيبة والخدمة حيا تشجع علي اعادة الزيارة

Comments are closed.