عند زيارتنا قبل يومين لمستشفى بنك الكويت الوطني التخصصي للاطفال المرضى بالسرطان
لفت نظرنا عبدالكريم الطفل ذو الابتسامة الرائعه شجاع وقوي ربي يحفظه رغم المرض والتعب
يعاني عبدالكريم من وجود السرطان الخبيث في الركبه ويحتاج عمليه عاجله لإستبدال الركبة وهذا النوع من العمليات لا يتم في الكويت
ويحتاج الى سرعة نقله للخارج وللاردن تحديداً وبتكلفة ماليه تصل الى 30 الف دينار كويتي تقريباً
عبدالكريم غير كويتي وعائلته غير قادرة على تكلفة سفره وعلاجه وتقرر موعد عمليته لبتر ساقه الاسبوع القادم لمنع انتشار المرض الى باقي اجزاء الجسم
الاسبوع القادم سيكون عبدالكريم بساق واحده اذا لم يجد متبرع ذو قلب رحيم ينقذ ساقه قبل فوات الاوان
كل ما نستطيع عمله هو نشر قصته فلعل وعسى يتكفل احد الخيرين او احدى الشركات الكبرى بتكاليف عمليه عبدالكريم الجراحيه لإستبدال الركبة وينقذ هذا الملاك الصغير
ربي يشافيه يارب ويشافي كل مريض والله عور قلبي وتذكرت رفيجتي ربي يشافيها ويهليها لنا والله يكافينا شر هالمرض صج الواحد يقول الحمدالله مليون الف مره … ويزاج الله خير حبيبتي على زيارتج للمرضى والله يجعلها في ميزان حسناتج يارب
آمين يارب يشفي جميع مرضى المسلمين
واعاليااااا
الله يرحم حااله ويشافيه ويشافي كل مريض يارب
آمين
اخ يريت عندي والله لو عندي ما بخلت علي اي محتاج الله يساعده ويطلعه من اضيق ضيق الي اوسع طريق
آمين يارب
بسم الله الرحمن الرحيم
اخواني ليش ما نسوي حمله تبرعات ونحط رقم حساب واهل الخير واجد ونجمعله تبرعات تبرعات الخير انشالله ما يقصرون
يعني اي مسؤول او شخص من اهل الخير يكون مشرف على هالحمله ويحط رقم حساب وانشالله انا اول واحد اتبرع
المشكله انه احنا جهة غير رسمية مانقدر نسوي هالشغله والتبرع يصير عن طريق شخص واحد يتفاهم مع المستشفى
الله كريم ان شاء الله
الله يشافيه يا رب و ييسر علاجه
ممكن رقم تلفون أو رقم حساب علشان تواصل المتبرعين
أبي أنشره بالواتس آب و البلاك بيري عشان يوصل لأكبر عدد ممكن
آمين يارب .. التفاهم على التبرع يصير مع ادارة المستشفى حبيبتي لأن احنا جهة غير رسمية مانقدر نجمع تبرعات 🙁
حطوا اعلان بالجرايد لان وايد ناس مالها بالإنترنت و أكيد اهل الكويت ما راح يقصرون و بعد اذا في رقم حساب يكون افضل….. الله يشفيه و يعافيه و جميع مرضى المسلمين … مأجورين ان شاء الله
مانقدر نحط اعلان بالجرايد لأن الشي مو رسمي والتفاهم لازم يكون مع ادارة المستشفى من قبل المتبرع وان شاء الله ربي يرزقه بمتبرع يتكفل بأمور العمليه يارب
اللة يشافيه
Comments are closed.