Lenôtre New Breakfast Buffet & Menu

ريوق يفتح النفس واطلاله حلوة على البحر اكيد بتكون في مطعم لينوتر

كنا معزومين على الريوق لتجربة الاطباق اليديدة في بوفيه ريوق لينوتر 

وصلنا مبجر وكانوا مجهزين لنا طاولة مكانها وايد حلوو 

بوفيه الريوق بالديكور اليديد

تذكرون بوفيه شهر رمضان بلينوتر شلون كان الديكور ملون ويشوق ؟

وشوفوا ديكور البوفيه حالياً شلون كسروا الالوان بأحلى لون (الابيض) وايد راقي وهادي

حبيت ديكور الطيور اللي على البوفيه خصوصاً مع بوفيه الريوق معطين شكل كيوت

البوفيه كان وايد يشوق والواحد مايقدر يقاوم خصوصاً اليوعان وانصحكم تيوعون نفسكم لأن كل شي يستحق تجربونه عندهم

حلوم ريحته عجيبة

رولات التوست بحشوات لذيذة مثل الفلافل واللبنة وايد لذيذ وترف

كلب ساندويتش الفول بالسمسم

اللي مجرب من قبل الريوق بلينوتر كانت اللبنه مدوره والحين سووها مبرومة ,, التغيير وايد حلو حتى لو بالشكل .. احب لبنتهم بالسماق حموضة اللبنه مع السماق لذيذة

شيش البطاط مع الزيتون وبيبي شيري توميتو

اجبان مختلفه

طريقة عرض البيض المفيوح نايس

السويت بالبوفيه .. كيك الجوكليت يمي يمي

هذي الكيكة المفضلة للامير وليم وايد لذيذة ومشهورة ببريطانيا عباره عن جوكليت وبسكوت

انواع من الكب كيك الفريش

فواكهه فريش مفيده من الصبح

انواع من الكرواسون الطازج

انا ما اقدر اقاوم لينوتر بصراحة .. مو مجاملة لهم لكن انا من اول مافتحوا زبوووونة دائمة خصوصاً فتره الريوق

واعتبر لينوتر مطعمي الاول للريوق في الكويت خدمة واكل لذيذ ومكان حلو  

كيوي فريش مع احلى منظر

خبزهم احبه حااار وفريش

قطع الزبدة

وكعادة الريوق في لينوتر 3 اطباق لذيذة تشوفونها على الطاولة بعد ماتختارون من البوفيه

الفلافل بالطحينه

الفول بطريقة لينوتر

النخي

انواع لذيذة جداً من البيض

اومليت الفطر والجبن .. اومليتهم شي ثاني لذيذذذ

اومليت الخضار

بيض السكرامبل .. وايد لذيذ انصحكم فيه

اومليت بياض البيض بالهليون .. وايد مفيد وصحي

هالبيضة حبيتها .. بيضة داخل قطعه خبز طريقتها مثل الكيكة ووايد لذيذة

منقوشة زعتر .. حموضتها ناطعه بس تدرون ليش كانت الذ من كل منقوشة ذقتها من قبل ؟ لأن اللي قدمتها لي انسام بنفسها واذا ودكم تذوقونها من ايد انسام تقدرووون 🙂

 اهي راح تشتغل بلينوتر الشهر الياي ساعات معينه بالاسبوع واكيد التفاصيل بتكون في بلوقها ترقبوووووا 

انواع من الصاج من الفرن لي الطاولة .. بالحلوووم واللبنه بالزعتر

مو يقولون ختامها مسك لالالا كان ختامها اجرااام رسمي بعد

طبقين اذا جربتوهم بتذوبون

قطع البان كيك الحاره مع سوس الجوكليت

شقولكم خطيررررة .. انصح وبقوة

تقدرون تقاومون الجوكليت السايح .. انا وحده استسلم لوول

هني عاد صج صج شي ثاني الوافلز بالنوتيلا .. اكلوها وبتروحون عالم ثاني  

قطع وافلز ترررفه بجوكليت النوتير اللذيذ مع رشات من السكر البودر والفراولة يمي يمي

  ومستر اليكس ومستر مازن العلي والشيف زياد هلال على الريوق اللذيذ MMC Group شكراً  لينوتر  و

استمتعت جداً جداً بصباح جميل جمع الماء والاكل والوجه الحسن 😀 

This entry was posted in Food.

204 comments

      • WawNon says:

        امتي ريوقهم؟

        بعني امتي يبلشون؟ الساعه جم؟

        بصراحه حرام عليج قتلتيني.

      • عدنان says:

        بصراحه مطعم. ولا في الأحلام. يجنن أريوقه
        أتمنا يفتحون واحد في الإمارات
        و مشكوره علي هذي المعلومات

        • PinkGirl
          PinkGirl says:

          العفو اخوي والمطعم موجود في الامارات في دبي شارع الجميرا وفي ابوظبي بس ماعرف موقعه بالضبط هناك

          • Ahmed says:

            حرام عليج حيييل شوقتيتي ودي اكل منه الحين قبل باجر بس المشكله انا بامريكا يعني وييني و وين الكويت والله شوقتيتي للكويت بعد

    • khalifa says:

      السلام عليكم المطعم مأشالله. حلو وراقي إنا أن شألله بجربه شكل الأكل يغري

    • PinkGirl
      PinkGirl says:

      u welcome chef, nice quick chit-chat with u, hope to learn some recipes from u for a quick snacks do it at home next time 😉

  1. Rainy says:

    omg ay diet ay ba6i5 … i think lenotre waiiiiiiiiiid te6awar 3n awal i remember awal kan the only thing i like is viggie lasagna and salads bs after those photos defiantly im soooo going next weekend

    • PinkGirl
      PinkGirl says:

      الله يعافيج حبيبتي .. لينوتر له اكثر من فرع
      الرئيسي على البحر يم مطعم عبدالوهاب وابل بيز
      وله فرع في الافنيوز والفنار ومارينا مول و مول 360

  2. ام جوري says:

    شكل الريوق بالصور عجييييب
    صراحة شوقتيني اروحله من زمان ماتريقت برة

  3. Suha Ali says:

    عجييييب يبييلة رووحة في اسرع وقت ممكن حيل شوقتيني والله … مشكورة علي الصور العجيبة 

  4. Sna al fedha@q8yat says:

    ياااحلات لونيتر ايننن والاحلي قعدته ترد الروح
    عليج بالعافيه وهني على قلبج قلبووو

    • PinkGirl
      PinkGirl says:

      الله يعافيج حياتي .. واااي تذكرت قعدتنا ذاك اليوم سنووووي مس يووو

  5. Q7fya says:

    بالعافيه … والله وانا اطالع الصور كنت توني مخلص اكل ، يعت مره ثانيه بسبه الوافلز بالنوتيلا … يبوووووووووووووي والله ما اقاااااوم .. بوست ممتاز و يعطيج العافيه و بالعافيه مره ثانيه

    • PinkGirl
      PinkGirl says:

      الله يعافيك اخوي قحفيه .. لوووول لازم تجربة وايد لذيذ ترررف وبالعافية مقدما

  6. ahmed says:

    Enzaaaaain shlooon ya3nii!!! 6agny alyooooo3 o elmshkla dawam o gbl shway metraigen ma3gola ashof. Pic ayooo3 again

  7. Hadeel says:

    علييج بالف عافيه،،، بس عندي تعليق بسيط واتمني اداره لونوتر يتقبلونه من زبونه داااايمه عندهم،، بصراحه المطعم اخترب من غيرو المنيو وزادوا الاسعار، احنا عارفين الغلا صار في كل مكان بس ياليتهم ملتزمين بجودة وتميز اطباقهم نفس قبل، الاسغار زادت والانواع قللت جودتها وتنوعها

    • PinkGirl
      PinkGirl says:

      الله يعافيج حبيبتي .. بالنسبة لي ما اشوف شي جودته قلت بالعكس اكلهم وايد لذيذ واللي زادوه بس دينار
      والاداره اكيد بتشوف ردج وبتاخذة بعين الاعتبار 🙂

  8. s.a says:

    عنا كنت موجوده بهاليوم بلونوتر البحر يوم السبت . و خدمتهم كلش ما عجبتني! اطلب كلينكس من كل ويتر و لا واحد يابلي إلا بعد ما قلت حق 4 قلتلهم محتاجته ضروري. يروح و يرد يائب أكل الطاوله اللي يمنا و إحنا ناسينا .. و ما حظلنا خبز إلا بعد ما قلنا حق مانجر مصري أن نبي خبز ! وصل بعد ما البيضه بردت و شكل بيضه ألاومليت بالمشروم و الجبن كلش مو نفس بيضتج ..كانت معفوسه لو بالبيت أمسوينها أتكون ارتب .. صوب أبيض و صوب اصفر مو ذاك الزود
    و ياب الصاج مع البيض حتي ما كليناه. و ما أدري إذا فيه أنواع. مع البوفيه أو لا بس أهوه يابلنا بدون ما انقول أي نوع نبي
    و ما يابولنا فول و فلافل و هالاشياء إذا انتي اتقولين انهم مع البوفيه
    مع أني أحب أكل لونوتر بس ذاك اليوم نرفزونا

    • PinkGirl
      PinkGirl says:

      صج ؟؟ غريبة يمكن لأن صار لوود مشاء الله كان زحمه ذاك اليوم وانا كنت رايحه مبجر وايد فعلى الراحه .. الاداره مشاء الله عليهم اتابع كل شي يكتب عن المطعم وان شاء الله ياخذون كلامج بعين الاعتبار
      بالنسبة للفول والفلافل من عمر واهم مع البوفيه شلون ما وصل غريبة !!!

      • s.a says:

        و الله ما يابولنا فول و فلافل. حتى استغربنا بس قلنا يمكن امغيرين .. كان افشل ريوق

  9. بنت الكنادره نونه says:

    ثااانكيوااا ع الريووق العجييب واللذيذ وشكله حييل ايشوق واكيد مايتفوت حده موووصج

  10. لولو says:

    بصراااااااحه وااااايد عجيييييييب هالمطعم. 
    يبيله روووووووووووحه 

  11. Salemnet says:

    وتقولون ليش الكويتيين. متان
    اهوووو بس اهوووو
    نسبة السمنة زايدة بالكويت
    يحبكم حق البلعه والأكل تتفنون بالأكل
    ياريت اشوفكم تركبون قواري وتنسون السيارة مثل الألمان
    ولا تقولون حر
    الشتاء ياي
    وروننا رياضتكم غير المشي
    المشي يحرق اقل سعرات حرارية وضعفه اهو السباحه

    وتحريك الجسم الكامل يعني الرقص
    ماكو انسان كويتي
    جسمه كول
    خلكم ورا. الأكل اللي راح يبطكم ويردكم وراء

    ياحلاة الفاكهة

    • shaickha says:

      خووووو في شي غير الاكل والمجمعات شنسوي بعد
      عاد مالقيتي غير القواري وين قاعدين قولي نادي جهاز جري اوالقاري الثابت وانتي تجوفين تلفزيون قعدي عليه وتخيلي نفسج بالشارع 

  12. ولد الناصر says:

    لازين مشالله مبين اكلهم تغير 100/100 لانه اخير مره ماعجبني وقلت ريوق مطعم عبد الوهاب احلا بس الحين جنه تغييرت السالفه وشلون اسمحولج تصورين عادي عندهم

    • PinkGirl
      PinkGirl says:

      لأني معزومة بدعوة خاصة من لينوتر .. بس ماعتقد انهم يمانعون من التصوير حتى للزباين انا جم مره اصور بدون دعوه ماقالولي شي 🙂

    • PinkGirl
      PinkGirl says:

      مكانه على البحر قبل ابراج الكويت يم مطعم عبدالوهاب وابل بيز

  13. فخامــة امون says:

    برب بقطع تذكره من الخطوط السعوديه للكويت حالا ‏​هههههههههههههههههه

  14. ZainA says:

    بالعاااااااااافية حيااااااااااتي بس شوي درسوا الأسعااااارلأن بوفيه فطور غاااالي

  15. Jamal almousa says:

    يعطيج العافيه اختي- ملاحظتي مره ثانيه: لو تضيفين ملاحضات عن مستوي الاسعار عند كتابتك عن المطاعم اللي تزورينها يكون مفيد جدا للقراء، واخيرا اذا كان في اي ملاحضات سلبيه تخص اي مطعم تزورينه يجب ذكرها، وهذا ما لاحظته في المجلات والمواقع الاجنبيه (الا اذا كان الغرض من هذه reviews دعايه للمطعم)، واتمني لك التوفيق في هذا الموقع الرائع 

    • PinkGirl
      PinkGirl says:

      الله يعافيك اخوي .. اول شي شكرا لمتابعتك وان شاء الله باخذ ملاحظاتك بعين الاعتبار, اما بخصوص الاشياء السلبيه لو كانت موجوده ماعندي اي مانع اني اكتبها حتى لو اني مدعوه

  16. نواف says:

    وانتوا بس تصدقون شنو هالچذب شدعوه تصويرج وعارفه كل شي شنو فلم هندي اوكي الاكل شكله لذيذ وحلو بس لا تچذبون علينا چذي يعني وحده كاتبه عنكم وانتوا ماتدرون

  17. A.I.A says:

    الصراحه لمن قريت ردود الناس حسيت كأنهم مو شايفين خير
    شسالفه اللى تقول واااي والثانية ميته ! ! والثالثه تبي تخرب رجيمها. . أوكى المطعم رائع. لكن الردود الصراحه مصخره.

    • PinkGirl
      PinkGirl says:

      كل واحد يعبر بطريقته اخوي شدعوه سويت الناس مو شايفين خير الله يهديك

  18. khawla says:

    Bl3afiaa sweety,, w Good luck Lenotre team..
    Nice place el9ra7ah w el9wr tjnn 🙂 I hope to visit kuwait to try their breakfast ^.^ btw am from dubai :p

  19. safan safan says:

    شكله يشوق ما شاء الله
    اهم على طول أكلهم لذيذ

    بس عندي سؤال برة الموضوع ممكن أعرف شنو كاميرتج؟
    الله يبارك التصوير عجيب

    • PinkGirl
      PinkGirl says:

      اللي اعرفة ان المطعم موجود بالمملكة تحديدا بالرياض سنتريا مول وبدبي وابو ظبي

  20. Rashed alrashed says:

    ماهمتني الصور كثر ما تحمست ازور الكويت اللي مارحتها
    من ٢٠٠٥ وهي المرة الوحيدة وكانت تجنن واهلها احلى شعب
    صدق اني مقصر
    شكرا اختي
     

    • PinkGirl
      PinkGirl says:

      العفو اخوي .. شكرا على هالكلام الطيب والكويت تنور بزيارتك الف حياك الله

  21. Da3ood says:

    وااو ماشاءالله مرره يجنن الفطور .. بالعافيه حبيبتي 3>
    عاد أنا مررره ججوعانه مدري ليه قريت الموضوع هالوقت :'(
    حسسافة حق الرياض مؤ كذا :/ أتمنى ينتبهون له

  22. Sugar.rush says:

    المطعم من المطاعم الراقيه واكلهم اكثر من رائع وجدا لذيذ

    لكن الريوق ما جربته وان شاء الله بروح له باقرب فرصه

    مشكوره عزيزتي انج عطيتينا فكره عن ريوقهم لان زوجي عاشق للاكل ويحب التغيير
    عشان جذي بعزمه هناك >>>>> مو المثل يقول اقرب طريق لقلب زوجج معدته

    ههههههههه

  23. المتفائل says:

    الحمدالله على نعمة رب العالمين
    لكن هل يوجد لهذا المطعم او شبيه له بمدينة الرياض بالمملكة العربية السعودية
    بصرحة أعجبني يلاحظ الي في مدينته
    سلمان – الرياض

    • PinkGirl
      PinkGirl says:

      المطعم على شارع الخليج وله اكثر من فرع بالمولات الافنيوز والفنار و 360 مول والمارينا مول

  24. Sara says:

    مشكورة اختي ع تقريرك الرااااائع … بالنسبة لاخوي سلمان اللي يسأل عن فرع للمطعم بالرياض فاقوله مطعم لونوتر في في مركز سنتريا تقاطع طريق الأمير محمد بن عبدالعزيز (التحلية سابقا) مع شارع العليا …

  25. ميوسه says:

    مشاءالله حبيته وأيد عجبني !
    وتصويرج بعد أينن ! مشاءالله ؤش نوع الكاميرا والعدسه
    بليز ردي علي

  26. امونة says:

    شكله لذيييييذ وروووووعه حمستيني اجي الكويت اهييييييئ وانا وحدة اعععشق طلعات الفطووور مقدسة عندي وتهمني اكثر من الغدا والعشا يااااااي

  27. هيونه says:

    فُِِْـٍَُّـٍَُّيٌِے ؤين بضبط وهل فُِِْـٍَُّـٍَُّيٌِے ممكله البحرين فيه نفسه ؤائد حلو وراقي

  28. Na3om says:

    انا شفت التقرير و رحت انا و رفيجاتي
    الصراحه أصبنا بخيبة امل اللي شفناه شي واللي بالمطعم شي ثاني مو كل الأصناف موجوده ولا نفس البرزنتاشن
    انا رحت الافنيوز مادري هل الاختلاف بسبب الفرع ؟!!
    علي العموم i was so disappointed 

  29. håmš says:

    وااااو احس طباخهم بضمير 
    صدق شكله يجنن من اللذاذه
    قمت اخورها من اليوع 
    ليش ما يفتحون نفسه عندنا فالامارات
    بليييز نبى نفسه 
    السفر في بداية السنة صعب

    håmš 

  30. shayma says:

    الصراحه انا الحين رايحتله البوفيه مثل ويهج طول ايدي ولا فيه هالاشياء الي انتي مصورتها. مره ثانيه لاتقصين على الناس وتتفلسفين عليهم
    تفوووو على اشكالج

    • PinkGirl
      PinkGirl says:

      حطيت ردج بس علشان تشوف الناس مدى الاخلاق اللي انتي فيها و اي كومنت ثاني بهالاسلوب بحط ايميلج جدام الناس وانا اترفع عن الرد عليج بصراحه

    • Noura says:

      ما شاء الله اهنيييييج على هالاسلووب الراقي
      انتي الظاهر ما قريتي ان البوفيه يديد
      ولينوتر معروف من عمر الدنيا من احلى مطاعم بوفيهات الريوق بالكويييييت

      بنك قيرل: ال … تنبح والقافله تسير

    • Fatooosh says:

      شلون تجذب عيل اللي مصورته شنو

      انا بصراحة رحت الأحد اللي طاف بناءً على تقرير بنك
      مع ٨ بنات والبوفيه كان بالضبط نفس البوست كأني فاتحه البوست جدامي

      بنك مالج شغل بهالاشكال المحتره الحمدلله والشكر
      تقاريرج دائماً ناجحه وروووعه

  31. Layan says:

    صراحه شرح وافي وانا شبعت هههههه صراحه جدا جدا راقي ولذيذ
    ولكن الاسعار ليس مناسبه حقي لان انا لو باكل حدي صحن بيض وجبنه واشبع
    يعني سؤالي اقدر اطلب طلبات وليس من البوفيه لان انا اتوقع السعر المناسب هنا
    بالكويت 3.500 للشخص الواحد علي الريوق اتوقع سعر عادل
    لان مافي اسماك وربيان عشان يصير 6 دنانير
    واخيرا الريوق وايد حلو حلو حلو

    • PinkGirl
      PinkGirl says:

      اي حبيبتي تقدرين تطلبين اللي يعجبج من المنيو .. سعر ال 6 دك للبوفيه

  32. twins says:

    مأشاء الله تبارك الله التصوير ﺟداً راائع تبارك الرحمن والمطعم جميل
    بس فيه فرع في جده ولا لا

  33. Shemo says:

    تقرير جدا رائع تسلم ايدك / والتصوير قمة في الابداع يعطيك العافية والمحل اول مايفتح عندنا بالسعودية وتحديدا ب جدة بكون اول زايرة له ان شاء الله

    • PinkGirl
      PinkGirl says:

      الله يسلمج اختي من ذوقج والمطعم موجود عندكم بالرياض 🙂

  34. fa6ooma says:

    ما يلفظ من قول الا لديه رقيب عتيد

    هذا يزى البنت تسويلكم تقارير عن الاماكن والمطاعم

    الحمدالله الذي عافانا مما ابتلاهم به

    بنك يا جبل ما يهزك ريح

  35. afnanetoo says:

    حبيبتي هذا دليل على نجاحج في ناس عديمين الاخلاق للاسف وأقولها: لو ما ان بنك قيرل الحمد لله مشهورة ومعروف عنها النزاهة والصراحة جان مادشيتي بلوقها من الاساس.وكافي انها تتعنى عشان اتروينا اماكن يديدةوسوالف عن كويتنا الحبيبة.

  36. lolo says:

    ممكن أعرف شنؤ يحتوي البوفيه .. و شنؤ الطلبات الخارجية .. ؟؟؟!! بليز

    • PinkGirl
      PinkGirl says:

      اختي البوفيه مبين شنو فيه .. شنو تقصدين بالطلبات الخارجية ؟

    • PinkGirl
      PinkGirl says:

      على البحر يم مطعم عبدالوهاب وله فروع ثانيه بأغلب مولات الكويت

  37. Fowz says:

    هلا اختي
    صراحه فرعهم بالرياض كان زمان حلو
    اما الحين خرب اخر مره هزئت المنيجر ساعه عشان ياخذ الطلب وساعه عشان
    يجي الاكل والطامه الاخيرة عشان ادفع الحساب استنيت مواقل من نص ساعه
    وبالأخير رحت بنفسي الى المدير وهزئته ودفعت الحساب
    وكان الاكل والخدمه سيئه وحرمت اروح له وكنت زمان كل مارحت للرياض لازم اروح له
    والحين فتح عندنا في الخبر ورحت مره وما عجبني
    خلاص عافتة نفسي

  38. kady says:

    روعة ..انا يوم وصلني موضوعج على البلاك بيري وفتحت اللينك عجبني الفطور واايد وطريقة العرض والترتيب احس تفتح النفس انه الواحد يفطر وخاصة الصبح ويكون تو ناش وميت من اليوع

    واحلى شيء اني يوم قرات ردود الناس اكتشفت انه عندنا فرع في الامارات يا ريت صدق يكون نفسه الطعم الي عندكم .. اذا جربته ما عندي مانع اخبرج ..

    وشفت الكل يسال عن السعر او حتى اذا فيه فروع وعلشان يكون سهل عليج في المرة الياية تكتبين هالمعلومات قبل علشان ما ننزعج بالاسئلة ههههههه

    مشكورة عزيزتي .

  39. MGA.MGA says:

    احلااا شي الوافلز ياحلااااااته ذكرني بامريكا طحنا فيه
    عدل وكل يوم ينزل مع الريووووق
    ونختمها بالوافلز والامريكان كوفي
    واذا تبونها احلا خلوها يوم مع العسل ويوم مع القطر
    استمتااااااااااااااااع حده مده

    ماجد !!!

  40. Walaa says:

    Lenôtre fe b Jeddah o mn zman fate7 gbl branch al Rya’9
    B al ta7lya 3nd medan al seef mogabl Roashana mall ..
    Thanx pink Girl 🙂

  41. المها says:

    Pink girl
    يعطييك العافيه عالتقرير ..

    فواز .. الله يعافييك وين مكانه بالضبط بالخبر ؟

  42. Memd says:

    والله عجبني المطعم والريوق

    بس جم الفطور في المطعم الراقي الجميل

  43. Maryam Al-enezi says:

    صراحه طريقه العرض جداً. بايخه ومبالغ فيها لكن البوفيه جداًً فوق الروعه

  44. القمر says:

    طريقتك عرضك رووووعه وفوق الخيال
    ماعليك من بعض الردود اللي مدري وش تبي
    مايهم السحاب نبح (…..)
    بس للاسف
    زرت الكويت في مارس ومارحت للمطعم لاني ماعرفته الا منك
    و ودي اروح اللي بالرياض وخايفه انصدم واشوف شي غير اللي
    عندكم
    في كل الاحوال جزاك الله خير على الصور والشرح الوافي
    تقبلي ودي واحترامي

    • PinkGirl
      PinkGirl says:

      حبيبتي تسلمين من ذوقج .. ان شاء الله تزورينا مره ثانيه وتجربينه والف هلا ومرحبا فيج
      واللي عرفته انه اللي بالرياض وبوظبي يختلف عن اللي بالكويت لكن حلو تمرين تاكلين عنده وننطر منج رايج 🙂

  45. الشوخي says:

    ماشاء الله تبارك الله
    الله يباركلك في محلك
    وبالعافيه عليكم

  46. Eng. Basel says:

    You should try Picasso open buffet in Bellagio hotel las Vegas, I really recommend it, but unfortunatelly you have to wait at a line for more than two hours :(((
    But it worth!!

  47. يــاســي says:

    الله يازينه زيناه
    اللي ماراحله يموت احسن له
    لان الصراحه شيء ماينوصف
    لايفوتكم
    شيء شيء ماله حل الصراحه

  48. Brown-Eyes says:

    بصراحه ،، المطعم راقي جدا ،، سرت له في شهر نوفمبر ،، ما يتفوّت ،، ماكنا عارفين شو نأكل بالضبط ،، من حلاة الأكل و طريقة العرض الجذابه ،، صح السعر غالي !! خاصه إذا. عائله ،، ع الأقل بدفع. 36 دينار ،، بس المكان روعه ،، و الأكل و الترتيب مأشالله. لذيذ و مب طبيعي ،، يعني إذا بتجربون كل شيء. لازم من كل شيء حبه وحده عشأن ما تعوركم بطونكم ،،أطلالته روعه. ع الأبراج بس موضوع الانتظار لين تحصل طاوله أزعجتني شوي !! خاصه أن مالقينا طاوله إلا جريب آل12 ، عجبني هو و مطعم ريوق __ في الإمارات مافي فرع للونتر ،، متأكده من الموضوع لأني سألت المنجر مالكم و قال لي. كان عندنا فرع بدبي و سكروه ،، شفت له فرع في الدوحه ، بس ما يقارن بالموقع و تنوع البوفيه ، أنا شفت فرعه بآلافنيوز ،، بس ما يقارن باللي على البحر ،، يعطيج العافيه بنك ،، و ياليت يخفضون الأسعار شوي ،، بس هذي ملاحظتي ،، أما الباجي. كل شيء توووب

    • PinkGirl
      PinkGirl says:

      الف حياج الله حبيبتي وفرع البحر مشاء الله وايد زحمه علشان جذي دور لكن اذا كنتوا يايين مبجر بال 9 المكان يكون فاضي تتنقين الطاولة اللي تبينها
      والافنيوز الحين البوفيه صار نفس طريقة البحر بالضبط
      والف حياكم الله بالكويت يالغاليه

    • PinkGirl
      PinkGirl says:

      مادري وين التفلسف بالسالفه بس البيض والطماط والخبزة والجبن ريوق كامل ونعمه من الله 🙂

  49. yaser says:

    يعني اللي فهمته عقب كل هذا إنه مافي فرع في دبي ،، وإذا في وين بيكون مكانه ،، ﻵني بصراحة أحب أجرب البوفيهات ،، أرجو الإفادة ،، يزاج آللّـہَ كل خير

  50. حنان محمد says:

    بسم الله ما شاء الله. أحس أني. جعت تأني مع أني لسه متغديه تسلم ايد الطباخ شيء رهيب الصراحه لو أتعزم ما عنديش مانع بس أكل مآشي

    • PinkGirl
      PinkGirl says:

      تقول ناس فاضين ويتناقشون بخصوص مطعم لكن هل انت مشغول علشان تعلق على ناس فاضيه على قولتك ؟؟؟

  51. F.M says:

    Hala! Bes wanted to know wean makana Fi dubai, wo eatha momken the phone #! Mashkooren wayed!

  52. Madani says:

    ممكن الله يعطيكم العافية تدلوني موقعه في الخبر وفي ابوظبي وراح اكون ممنون كثير لكم

    • PinkGirl
      PinkGirl says:

      انا شايفته بالرياض بس مادري اذا موجود لي الحين ولا سكروه .. في مجمع ناسية اسمه بشارع العليا

Comments are closed.