تم افتتاح الفرع الثاني ل لازورد في الصالحية وقمت بزياره لهم بدعوه منهم لتجربة بعض المنتجات الجديدة من موالح وحلويات وكالعادة ما اقدر اقول عنهم الا مبدعين

مجموعه من الكانبيز بحلة وانواع جديدة

انواع من ورق العنب بطريقة مبتكرة جميله

كبب

السويت

هذا وايد لذيذ على اوريو

واول مره ينزلون جوكليت مغلف وتقدرون تسوون التصميم اللي تبونه تختارون المذاق ولون الغلاف واي شي يخطر في بالكم ممكن ينفذونه لكم

شكراً لازورد على الدعوه

Lazurd Located in Salhiya Complex, M2

Site (link) FB (link) Twitter (link)

Follow them on instagram: lazurdkw

يقام معرض الزهور بمجمع الافنيوز بالفترة من 17 الى 20 مايو 2012

حيث تم افتتاح المعرض اليوم تحت رعاية الدكتور هلال الساير ودعم من جمعية الهلال الاحمر الكويتية واشراف المصممة (غاري كوك) .. يحوي المعرض انواع مختلفة من الازهار الجميلة والفراشات الفريدة والنباتات المختلفة

امس حطيت هالصورة بالانستغرام وكتبت شنو تتوقعون داخلها ؟ وايد اللي ردوا و هم في ناس وايد قالوا الاجابة الصحيحة

لكن خلوني اقولكم السالفة من طأطأ لي سلامو عليكوو

السالفة اللي يسلمكم امس واحنا رادين البيت انا واختي فتحنا الباب الخارجي وشفنا قطوه قاعده تطب داخل الجره اللي يم بابنا الداخلي !! اممممم شتسوي داخل وشلون بتطووف يمها ونفتح الباب !! خفنا تنط علينا حاولنا نطلع اصوات علشان تنحاش ماكو فايدة والجره تتهزهز شالسالفه شفيها القطوه ؟؟؟ قامت اختي ودخلت البيت من الصوب الباب الخلفي وبابنا اساساً فيه زجاج يعني تقدر تطل فوقفت على كرسي وطلت داخل جان تصرخ .. القطوه وااااااااااااااااالدة اكو داخل بيب كيتين هههههههههه تخيلوا

اللي صار اني قربت شوي شوي وشغلت كاميرا الايفون وانا مخترعه تنط علي وقدرت اصور هالصورة

الصورة الثانية احمد ربي انها ما طمرت وشمختلي ويهي حدها معصبه خايفة على يراوتها وعليه

دخلت داخل صعدت فوق الكرسي ابي اصيد اليهال عدل ماكو فايدة الجره بعيدة شوي ومو واضحين حاولت اشغل الفلاش علشان تعدل قعدتها واشوف جان تعطيني هالخزة وظلت تشوفني الى ما وخرت

وبعد فتره طلعت وصرنا مثل الحرامية وحده تراقب ووحده تصور الزبابيط الصغار يحليلهم لوول قدرت اخذ لهم جم صورة

هذي كل القصه والحمدلله على سلامة القطوه

صارلهم مدة بسيطه منزلين منيو الريوق Munch

اختيارنا يوم الجمعه للريوق كان موفق .. قبل الصلاة المكان هادي وماكو احد والواحد ياخذ راحته

المطعم وسيع و وايد شرح وحبينا قعدته

حدهم الليتات زوغه

المنيو

طلبنا كابتشينو قبل لا نبدي وجبة الريوق وكان عجيب على ذوقنا

Arabic Mezza Platter ووصل طلبنا

عباره عن صينيتين مقسمين فيهم فلافل, لبنه, حمص, زيتون, جبن فيتا, بيديان, خلطة طماط مع بصل, خلطة جبن مع خضرا ورمان

التراي عجيبة ومنوعه لكن عيبهم انهم يقدمونها مع الخبز اليابس بس وبما انها بلاتر عربية المفروض يكون معاها خبز عربي

الريوق العربي يشمل التمر والرهش

Munch Special French Toast

شكلها حده عجيب والطعم جيد بس المفروض تكون سوفت وفلافي لكن كانت يابسة

وفاتورتنا

Munch Located in The Village, Abu Al Hassaniya

Site Link

هالجم اسبوع الكل يتكلم عن الايس كريم اللي على فاكهه وكل اللي جربه مدحه

اليوم كنت ماره البنك الوطني بمشرف ومجابلة مطعم الرميح وحاطين اعلان كبير بالمطعم عن توفر هالايس كريم عندهم

قلت خووش مره وحده اجربه

لما سألت قالي ماكو لا برتقال ولا ليمون .. اخترت جوز الهند مع قطع الجوز اللي يقدمونها بقشرة جوز الهند

الايس كريم مجَيس وقيمته 1.400 دك

ماتوقعته جذي وايد وايد لذيذ انصحكم فيه وطعم جوز الهند والقطع واضحه وناطعه

For Order : 22444435

كان بخاطري اجرب نيل سبا يديد وطلبت من الفولورز بتويتر يساعدوني وينصحوني بمكان معيَن

بالجابرية Pretty Petals وايد بنات نصحوني اجرب

وقلت يالله امشي على نصيحة البنوتات والحمدلله طلعوا ذويقات بصراحة لأن المكان حده عجبني مشكوووورين النوري وذا ليتل جوي شوب

اول شي حبيته انه المكان يم الدخله اليديدة للجابرية سهالات ثاني شي المواقف مشاء الله راهية وبسرعه لقيت مكان ونزلت

اول مادخلت المكان حسيت براحة نفسية الالوااااان هدوووووووء والمكان هدووووووووء واللي يشتغلون هدووووووء صج ريلاكس

بار صغير يشوق والاحلى الثرية زوغه

الاصباغ من ماركات مختلفة والالوان عجيبة

الكراسي حدهم مريحين .. الوانهم وطريقة الخام المشجر ذكرني ببيتنا في كارديف  حسيت بريف ويلز

Original Petals اخترت ال

اضغط لرؤية الصورة بشكل اوضح

ضيفوني بالكابتشينو

Emelyn وبدا الشغل الزين مع

يحليلها وايد مرتبة ونازكة وخذت وقتها عدل ما احب شغل العيَله

اظافري بعد العديل وقبل التصبغ

اختياري كان لون نيون شوي برتقالي على مشمشي حبيته واول مره احط هاللون

حبيت اشكر صاحبة المكان علياء النفيسي وشريكاتها على هالمكان الحلو .. عليا حدي استانست معاج جني اعرفج من زمان موفقين ياربي

Pretty Petals Located in Jabriya, Block 1A, St 1, Building 86, 1st floor, next to Zero Degrees

For reservations call: 25320363
Follow them in Instagram @PrettyPetalsNailSpa & Twitter @Pretty_PetalsQ8

قبل مدة وصلتني هدية وايد كيوت من مطعم زهر الليمون عباره عن باقة من الكوكيز اللذيذة بالحبه السودة

ومعاها دعوه لتجربة الاكل اللبناني بفرعهم الجديد في الافنيوز

وصار الوقت واخترنا فترة الغدا يكون الافنيوز فيها اهدى من الليل علشان ناخذ راحتنا

وايد حبيت ديكورهم والالوان اللي مختارينها حسيت جني قاعده بحديقة

الليتات وايد عجبوني فكرتهم عجيبة

المنيو منوع .. سبق اني جربت زهر الليمون في 360 مول وما كانت تجربتي زينه وفهالمرة كنت رايحه وصج بخاطري اشوف اذا تغير طعم الاكل او لأ

اول شي وصلت سلة الخبز مع الكعم المخبوز مع التين اضافه الى الزيتون والزعتر

الكعك كان حاااار ووايد لذيذ

شي ثاني حبيته وينحسب لهم .. طلبنا عصير ليمون ونعناع و شراب الجلاب وكانت طريقة تقديمهم وكمية العصاير سخيه وايد و الشكل ولا اروع

شوربة العدس

صج ان شكلها ما حبيته اقصد اللون لأنه يستخدمون العدس البني ويطحنونه لكن طعمها كويَس

المقبلات من الاطباق اللبنانية المحبوبة والكل ينطرها وهذا كان حالنا بانتظار الحمص والمتبل وربعهم

سلطة البطاط .. ما ذقتها بس صديقتي وايد مدحتها

فتوش بدبس الرمان عجيب

ورق العنب كان جيد

رقاقات الحلوم المشوية .. زينه

بطاطا حره .. لذيذة وحاره

الاطباق الرئيسيه كانت مشاوي مشكله

انا وايد استانست على التكا وشيش الطاووق

قريدس .. صديقتي استانست عليه ومدحته

ساندويتش شاورما لحم ودياي

وبعد هالوجبة اللذيذة خذينا بريك وقعدنا نسولف لأنه ورانا حلوو وقهوه

وكان الاختيار على كافيه لاتيه وكابتشينو وقهوه تركية

بسكوت بالجوكليت وايد عجيب ذكرني بويليم كيك

كيكة بالعسل خطيرررررة

كيكه بالجوكليت بعد لذيذة

ستاف زهر الليمون

وفوق هذا كانوا قمة الذوق واهدوني جار كوكيز البرتقال واااااايد لذيذ ولما سألتهم اذا في ناس حابه تشتري منه قالولي لازم اوردر قبلها بجم يوم

شكراً لمطعم زهر الليمون والاخ روني والاخ محمد والستاف الحبوبين على الدعوه وكرم الضيافه والاكل اللذيذ

بالنسبه لي حسيت بتغيير فعلاً في جودة الاكل واكيد بيكون لي عودة ان شاء الله

Zahr El Laymoun Located in Avenues, Phase 1, 1st floor, next to Crimson Garden restaurant

محمد الرشيد صاحب مشروع و مدونة فرايد جانك بيشارك بمعرض داون تاون بأرض المعارض قاعه 8 الاسبوع القادم ان شاء الله

بالفتره من 17 الى 19 مايو

حمودي اللي عمره 15 سنه اسم الله عليه عنده طاقه واحلام كبيره وقدر يحصل على جائزة أصغر صاحب مشروع غذائي في معرض كويتي وافتخر الاخير من قبل مجموعة الحميضي الغذائية  كوت فود

لمعرفة التفاصيل عن المشروع وصاحبه اضغط هنــا

Twitter: @Fried_Junk

أمس كان في بازار خيري في بيت السدو خاص بالاشغال اليدوية والفنية والريع لعدة جهات خيرية

كان لي جولة جميله في البازار وكان اغلب المشاركين من جنسيات مختلفة وايد حبيت التجانس بالمشاركة بين افريقيا واوربا وامريكا وغيرها من الجاليات المختلفة

اول شي مرينا عليه ركن للحلويات حدي استانست على الكوكيز عنده يشوق

DELISSSHHH

Tel : 60430853

Twitter : @Delissshhh

وخذينا منهم ليموناد حده منعش مع هالجو

هالثنتين حدهم ونيسين يحليلهم ويبيعون هالمرايل للمطبخ بألوان مختلفة

Operationhope Link

Tracey Chapman (Artist)

Tel : 97392864

Trash to Treasure

Tel : 65703859

The African Crafts Stall

Tel : 60474331

Kerry A sellers (Photography & Digital art)

Tel : 99639794

Flickr : Kerryq8

MIGLIO (Designer Jewellery)

Tel : 66411561

Site Link

Fika (British Ideas Handmade)

email : fika-home@hotmail.com

Carol’s Luxury Goods Hats n Things (Australian Handmade Sunhats)

Tel : 97184974

هذي شغلها يونس عندها هالفوطة المزكرته خاصة حق ايام الغبار تحطونها تحت الباب علشان الغبار يتيمع فيها بدال لا يدخل في البيت وهم عندها مرايل للمطبخ يشوقون بس حسافه نسيت اخذ رقمها

Spectra Wibe

Tel : 99749835

Susana

Tel : 66045985

ملابس من التراث التركي من قفاطين واثواب مطرزة مع اكسسواراتها الخاصه Cerinan’s

Tel : 66991983

Site Link

Frankincense & Myrrh

Tel : 99039841

Site Link

Joy of Kuwait

يشوقون الدولز مسوينهم هاند ميد

اكسسوارات للمنزل من تركيا حسافه بس عرضتهم بالبازار ماعندها طرق للتواصل

شالات من الهند

هالبوث عندهم مكان يعتنون فيه بالحيوانات الضايعه من كلاب وقطط عزكم الله وموفرين لهم ناس خاصه يعتنون فيهم وهم اللي خاطره بحيوان اليف يربيه بالبيت ويعتني فيه يقدر ياخذه منهم

سكوب اكون كانوا مشاركين بالبازار بعد