دعاية راوخ الجديده

مع دخول شهر رمضان الكريم تبدا القنوات الفضائيه تبث الدعايات الجديده واللي يتفنون فيها لجذب المشاهد

اول من نزل دعايه هالسنه شراب راوخ

انا انصدمت انه المشاركين هالسنه بالدعايه هلا وبيبي ! فراشتين بالسوشال ميديا 

اتوقع باجر بنشوف ناس اكثر من نجوم السوشال ميديا دخلوا عالم الدعايات التجاريه 

@ZainKuwait Celebrating The World Social Media Day 2014

DSC_1072 عاد يوم التواصل الاجتماعي العالمي وعادت فناتق زين 🙂
وصلتني الدعوه في بوكس مرتب عليه اسم المدونه
فتحته لقيت ووك مان !! شخباااري 🙂 صج من زمن الطيبين
ومعاه فلاش ميموري وكنت متأكده الدعوه بتكون بالاسم لانه زين تميزت بهالسالفه خصوصا بهاليوم العالمي
DSC_1073DSC_1075 الاغنيه بصوت مروه بن صغير وعبدالعزيز النصرالله

وثل ما عودونا زين لازم يكون الاحتفال في مكان يديد ومختلف
مكان الحفل كان في القاعه الجديده في برستيج الافنيوز
دخلتها بروحها والفاليه الخدمه ممتازه وايد عجبتني
طبعا استقبلونا فريق التواصل الاجتماعي بشركة زين مثل كل سنه الله يعطيهم العافيه وسلمونا بطايق للسحوبات المختلفه اللي بيسوونها اثناء اقامة الحفل
IMG_5015 القاعه مرتبه والتنظيم جميل وحتى اهل الكره مانسوهم ونقلولهم مباريات كاس العالم
يعني مافاتهم شي
IMG_4979 هالمره الايكونز صاروا على الطاولات ههههه فكره حلوه حق السيلفي
استانسنا عليهم
IMG_4981IMG_4988 على الطاولات حاطين بعض الاطباق الخفيفه
IMG_4982 مسوين سكشن خاص للتصوير 🙂
IMG_4972IMG_4996 اي والله احببببببكم
IMG_5010 مقدم الحفل كان مايك مبلتع وحمــزه
فقرات الحفل كانت منوعه بين مسابقات وسحوبات اضافه الى وجود جرس لمن يجرء للتحدث عن مشواره في السوشال ميديا
والله الجريئين وايد ماشاء الله عليهم 🙂
واستضافوا ايضا المقدم يوسف الحبيب من اداره الجرائم الالكترونيه في وزارة الداخليه والسيد علي الحبشي وتكلم عن كيفيه اخذ الحذر من الهكرز وطريقة حمايه الحسابات في مواقع التواصل الاجتماعي والمدونات وكانت هناك كلمه من دكتورة الاسنان نوره رمضان عن تعاملها مع الفلولورز في الانستغرام وتقديم الاستشارات المجانيه عبر ردها عليهم
IMG_5019IMG_5016 وكعادته كل سنه يقول كلمته بأسلوبه الطريف اللي تعودنا عليه السيد محمد المهيني من فريق السوشال ميديا في شركة زين 🙂 ثالث سنه وعقبال الميه 🙂
IMG_5030 فيديو لبعض مشاهير الانستغرام في ميكس طريف

وفجأه انتشروا مصورين الفوري في القاعه
ونااااسه 🙂
حبيت الحركه
IMG_5051 وصار وقت القهوه والحلو
حلوياتهم من لينوتر
IMG_5060IMG_5056IMG_5058 صوره لاسرة شركة زين
IMG_5067 والختام مع سيلفي كبير للحضور 🙂
IMG_5072 كل الشكر لشركة زين على انكم قاعدين تيمعونا كل سنه ودايما يمعاتكم اهي الاجمل والاكمل وقواكم الله فريق السوشال ميديا 🙂
الشكر موصول للشركة المنظمه سنيار اللي دايما شغلهم ١٠ علي ١٠ قواكم الله
على الوعد السنه القادمه بإذن الله وناطرين الفناتق اليديده 🙂

Review : Ocean View Hotel .. Dubai

IMG_4709 بسفرتي الاخيره لدبي كنت رايحه الجي بي ار ولفت نظري فندق اوشن فيو فقلت اذا الله كتب المره اليايه بسوي سيرج عنه واذا زين بحجز فيه
وفعلا لما حصلت لي سفره لدبي وكان خاطري بمكان قريب للبحر سويت سيرج ودخلت الموقع شفت الغرف كل شي يبشر بخير فحجزت عن طريق موقع بوكينج ٤ ليالي وطبعا يحجزون مبلغ معين لكن حطوا بالكم اذابتحجزون هذا مو السعر النهائي لانه في تاكس وسوالف جذي يزيد المبلغ بنسبه مو قليله والله خصوصا في دبي الكل ملاحظ هالشي

الفندق تلقونه تقريبا بنهايه شارع الجي بي ار

البوست طويل شوي بس علشان بحطكم بالصوره كامله واراويكم الفندق والشاطيء

IMG_4711 اللوبي مجكنم وفيه محل صغير وكافيه ومطعم
استقبالهم كان ممتاز وطلبت منهم الغرفه تكون جهة البحر ووقعت الاوراق وخذوا التأمين ٥٠٠ درهم واستلمت كروت الغرفه
DSC_0990 الغرفه كانت حلوه اثاث يديد ونظيف ومرتبه والوانها حلوه والسرير مريح والبرنده قعدتها حلوه
DSC_0993DSC_0995DSC_1000 المنظر من البرنده
DSC_0996 حمام السباحه
DSC_0998ccccccccDSC_0992 الريوق
IMG_4990 خوش مطعم عود ماشاء الله
IMG_4998 البوفيه مفتوح وكل خير الله فيه
IMG_4991IMG_4992IMG_4994IMG_4995IMG_4996 حمام السباحه والشاطيء
مع كرت الغرفه تلقون كرت خاص لعدة البحر
تسلمونها كشك صغير عند حمام السباحه ويعطونكم جنطه فيها فوطتين والقطعه اللي يفرشونها على الرمل مادري شسمها وشمسيه
واذا رديتوهم تستلمون الكرت مره ثانيه
DSC_1075 الحمام سباااحه نظيف جدا و مو عميق يعني نسبة العمق عاديه اللي فوق متر و ٦٥ لهم قيش 😛
IMG_1638 بعض حمامات السباحه يمنعون اللي يلبسون مايوهات اسلاميه بحجة والله الملابس طويله بس الحمدلله عندهم محد تكلم والوضع طبيعي جدا
وسياستهم مثل كل هالاماكن اي ياهل اقل من ١٦ سنه لازم اهله معاه ولا مايدخل
IMG_1652 طبعا مراوح الماي موجوده وشغل عدل حتى حق اللي بيقعد بالمطعم الموجود على حمام السباحه
DSC_1088 وقت الغدا قلنا محنا طالعين وبنجرب اكلهم
طلبنا مقبلات شرقيه .. نتيييييفه بس لذيذ
وبيتزا مارغريتا كانت طيبه
DSC_1079IMG_1695 وهذا الفيو الليلي للمكان
DSC_1064DSC_1059DSC_1065 الشاطيء قريب من الفندق بس يبيله مشيه شويه لانه المنفذ اللي جدام الفندق مسكر قاعدين يسوون صيانه لبعض المباني
والحلو بالفندق انهم حاطين مصعد خاص من حمام السباحه تنزلين لي الشارع بدون لاتمرين باللوبي خوش شي
الشاطيء مرتب يهبل وكله مطاعم اشكال والالوان وبعض المحلات وسوبرماركت وسينما و واي فاي مجاني
IMG_4724 الحمامات مكرم السامع نظيفه
IMG_4713 الماي اينن والرمل نظيف مايعور الريل وماتحتاجون جوتي بحر كلش
DSC_1007IMG_4798DSC_1048IMG_4712IMG_4898 فرشنا شمسيتنا
IMG_4852IMG_1724IMG_1768 عيب الفندق انه مافيه خدمات على الشاطىء يعني لا ماي لا عصير لازم تشترون من هالمطاعم والماي ب٢٠ درهم تخيلوا
فحطوا في بالكم انكم تييبون كل شغلكم معاكم
الشركه اللي على الشاطىء توفر لكم سراير البحر وتقدرون تأجرونهم بقيمه ٥٠ درهم طول اليوم
IMG_1787 آخر ليله في الفندق ردينا من بره لقينا هالبطه الحلوه هديه وذكرى حلوه لاقامتنا فيه مع استبيان علشان يعرفون راينا بكل شي
IMG_2005 الفندق انصح فيه بصراحه نظافه ومعامله وترتيب

Yamanote Atelier .. Dubai

IMG_1907 قبل لا اروح دبي كنت حاطه في بالي اماكن معينه بروح لهم وفي ناس بعد بالانستغرام مدحولي اماكن من ضمنهم هالمخبز
مخبز ياباني هذا اول فرع له في الشرق الاوسط
المكان اللي اهو فيه اسمه مجمع الوصل سكوير اهو مكان مفتوح وفيه جم محل وكافيه بس عموما ماعليه ضغط يعني اذا بتروحون بتتعنون لمكان معين حتى التكاسي اغلبهم مايعرفونه الا اذا عطيتوهم رقم المكان واهم يوصفونه

المهم اهو كافيه ويقدم معجنات بأشكال وساندويتش واكيد مشروبات
IMG_1900IMG_1899IMG_1901IMG_1902IMG_1903IMG_1904IMG_1905 ايس كريم ماچا
IMG_1906 خذينا جم قطعه تيك اوي نجربه
IMG_1922 الهيلوكيتي على نوتيلا ودونتس وهوت دوق
كان طيب والعجينه ترفه بس مو مال عنوه بصراحه لانه المكان مثل ماقلت ماعليه ضغط وطريقة المعجنات موجوده عندنا بالكويت في مخبز ليشس فما حسيت في شي يديد
IMG_1924IMG_1927 Yamanote Atelier is located in Al Wasl Square Complex on Al Wasl Road
Tel : 043881811
Instagram @YamanoteAtelier

Reel Cinema’s Platinum Movie Suites .. Dubai

IMG_1943 على كثر مارحت دبي مول ودخلت السينما مادري ليش مافكرت ادش الڤي اي بي او البلاتينيوم
لكن هالمره عزمت عليها لانه مدحتها لي بنت عمي

احلى شي انه من قوانين البلاتينيوم عدم دخول من اهم اقل من ١٨ سنه
يعني ماكو واق وويق وازعاج

حجزنا تذكرتنا بقيمة ١٣٠ درهم لفيلم
The Fault in our Stars
وصعدنا الدور الرابع مكان السينما

مكان الانتظار يشوق جنه لوبي في فندق
IMG_1946 مطعم خاص للبلاتينيوم مو بس نفيش وناتشوز !! عصاير وبرجر وفرايز انواع وسلطات وشوربات وغيره وكل شي بسعره
IMG_1944 الممر
IMG_1948 الكراسي شي مو طبيعي مرررررريحين جنهم فراش شغل عدل الواحد ماوده يقوم عقب الفيلم
IMG_1997IMG_1957 واول ماتقعدون تييكم اللي تشتغل تعطيكم مخده وكنبل مرتبين
IMG_1954 طلباتنا وصلت
وفيه دقمه خاصه على الطاوله تضغطونها اذا تبون شي
IMG_1953 بصراحه تجربه عجيبه وتستاهل الفلوس اللي اندفعت فيها
الواحد وده يغير ويدلع عمره شوي مايضر ندفع هالمبلغ لقاء تجربه وخدمه ممتازه 🙂

فطاير كاس العالم من منقوشه

٢٠١٤٠٦٢٠-١٥١٥٤٥-٥٤٩٤٥٣٧٢.jpg
مطعم منقوشه بكل مناسبه يقدمون شي مميز لزباينهم
سبق ووصلتني منهم مشروحه لعيد الام
وهالمره مسوين عرض جميل لمباريات كأس العالم بتقديمهم فطاير او مشروحه على اعلام الدول المشاركة
الاسبوع اللي طاف وانا مسافره وصلولي مشروحه على علم اسبانيا صورها لي الوالد
ومكونه من الدياي بالنص واللحم المفروم الحار على الجانبين

٢٠١٤٠٦٢٠-١٥١٩٤٢-٥٥١٨٢٨٢٥.jpg
للطلب : ١٨٣٨٣٠٣
Instagram @Manousheq8

This entry was posted in Food.
Page 64 of 699« First...102030...6263646566...708090...Last »