Coffee Workshop by Franco Russo at Costa Coffee

IMG_4851 حضرت الاسبوع اللي فات ورشه خاصه لتعليم اسرار القهوه في كوستا من قبل خبير القهوه الايطالي المشهور فرانكو روسو واللي حضر من اسكوتلاندا ليعطينا هالورشه
فرانكو صارله ١٥ يعمل في كوستا

كانوا مسوين الورشه في فرع سيتي تاور خلف كيبكو تاور
حبيت المكان هادي ومكانه مناسب لمثل هالايفنت
DSC_0475DSC_0474DSC_0562 في بداية الورشه عرف فرانكو عن نفسه وطلب من الجميع انه يحضرون قهوتهم المفضله بنفسهم طبعا بمساعدته
DSC_0477 وبما اني كنت مريضه فدلعوني وسوولي قهوتي
DSC_0479 كابتشينووو
DSC_0491 بعدها تكلم فرانكو عن القهوه وانواعها واماكن الحصول عليها وتحضيرها بالشكل المثالي اضافه الى انه تكلم عن عمله مع كوستا كل هالسنين وقهوتهم وطريقة تخزينهم للقهوه
DSC_0530 انواع القهوه
Arabica
Robusta
Peaberry
DSC_0535 وقدم لنا اختبار تذوق
DSC_0540 وعلمنا بالشكل والالوان اي وحده القهوه القويه والخفيف
DSC_0560 وبعدها وزعوا علينا قهوه اسبريسو علشان نذوقها ونكتب تقييمنا
DSC_0557DSC_0558 وحضر لنا الفلات وايت وهي قهوه بالحليب يتميزون فيها كوستا
DSC_0483 قدموا لنا بعض الحلويات الموجوده حاليا عندهم وبعضهم ان شاء الله بينزلونهم برمضان
بس طبعا مسوين لنا حجم ميني للتذوق لكن بالصج بيكونون اكبر

كيك على فستق وريد فيلفت ورانجينا ونوتيلا بودينغ وغيرهم من الاشياء الطيبه
DSC_0507DSC_0503DSC_0520DSC_0512 وبالاخير كل واحد استلم مطاره بإسمه :)
DSC_0472 شكرا كوستا على الورشه الرائعه

NU Turkish Brand in KUWAIT Soon !

photo نو ماركة ملابس تركيه وايد احبها
هدومهم وايد حلوه للمحجبات و قصاتهم غريبه و راهيه وخاماتهم حلوه وغسيل ولبس
دار يوشا اييبون منهم بس تشكيله محدوده
يوم السبت بيكون افتتاح فرعهم الاول في الكويت في الافنيوز فيز ٢ مجابل ستاربكس

Review : Lezzet Turkish Restaurant

IMG_4769 امس وصلني الغدا من مطعم تركي يديد اسمه
Lezzet
يقدم الدونر التركيه والفطاير

الاكل ماشاء الله ريحته خنينه وحتى لو مو يوعانين ماتقدرون تقاومون
اول شي فتحنا علبة الفطاير وكان فيها انواع كثيره
سبيشال – جبن تركي – بطاط – حلوم – سبانخ – فلافل ولبنه – زعتر – دياي
بدون مبالغه كل شي طيب
انا جربت الحلوم خيال والزعتر حلوه وكلش مو مالحه
DSC_0582DSC_0618 هذي السبيشال
DSC_0640 دونر شرايح وايد لذيذ ولحمتهم خفيفه ماشاء الله
DSC_0607 الجيس الثاني كان كله انواع من الدونر بخبز الصاج شي دياي وشي لحم
Meat Turkish
Meat Pomegranate
Meat Arabian
Meat Lezzet
Chicken Arabian
Chicken Pomegranate
Chicken Turkish
Chicken Lezzet
DSC_0597 كل شي عجييييب بشهادة الجميع
انا حبيت الدياي بالرمان ناااااااطعه
DSC_0599DSC_0628DSC_0625DSC_0610 السالميه قطعه ٣ شارع يوسف القناعي
For Order Call 25711141
Instagram @Lezzet_Kw

My Trip to Turkey – Istanbul Last Day رحلتي الى تركيا – اسطنبول اليوم الأخير

DSC_0143 (2) هذا آخر بوست عن رحلة تركيا ٢٠١٣
اللي ماكان شايف التقارير السابقه هذي اهي من اول يوم
اليوم الاول
اليوم الثاني
اليوم الثالث / الجزء الاولالجزء الثاني
اليوم الرابع
اليوم الخامس / الجزء الاولالجزء الثاني
اليوم السادس
هاليوم قررنا نروح الجراند بازار
سوق مغلق من معالم تركيا واللي يروح تركيا لازم يمره
سكيك واكثر من ٤٥٠٠ محل يبيعون بضايع مختلفه
اكسسوارات وشالات وبهارات واواني منزليه وجلود وفوريرات وسجاد وغيره
الكل يقول اسعار البضايع فيه اغلى من برا السوق كونه مكان يجذب السياح فالبياعين يستغلون الفرصه
DSC_0144 (2)DSC_0140 (2) العقود كنت رايحه ودي بجم واحد بس من كثر ماشفتهم معلقين بالسوق بكل مكان مادري ليش هونت هههههه
DSC_0148 (2) الشالات عندهم وايد حلوه
DSC_0152 (2) محلات الحلويات بكل مكان والحلقوم موجود بكل مكان وبمذاقات مختلفه
DSC_0155 (2)DSC_0156 (2)DSC_0158 (2) تذكارات
DSC_0160 (2) هالريال يحليله شريت منه شال وقالي صوريني
DSC_0162 (2) جناط التقليد عندهم على افا من يشيل
DSC_0163 (2)
فناجين القهوه اللي هبوا فيهم بالكويت مكودين هناك واشكال اتينن
DSC_0166 (2) وهذي بعض الاشياء اللي شفتها بالبازار بعد
DSC_0170 (2)DSC_0173 (2)DSC_0176 (2)IMG_3154IMG_3259 شاورما تركيه
DSC_0175 (2) القطاوه بكل مكان
IMG_3146 بعدها خذينا تاكسي ورحنا شارع نيسانتشي او شي جذي ماني متأكده من نطقها عدل
لقينا مجمع وتغدينا نودلز
IMG_3176 كان سبب وجودنا بهالشارع سكه كلها بوتيكات ومالقيناها الا بطلعة الروح كل مانسأل مو عارفين
مشكله التفاهم معاهم
DSC_0183 (2)DSC_0184DSC_0196 (2)DSC_0197 (2)DSC_0194DSC_0189 (2)DSC_0192 (2)DSC_0195DSC_0191 (2)DSC_0190 (2)DSC_0199 (2) طيارتنا كانت بالليل فلازم العصر نكون بمطار صبيحه
وماكنا ندري انه المطار جذي بعيد وصادفتنا زحمه قعدنا على اعصابنا
الحمدلله وصلنا المطار قبل لا يسكرون الكاونتر وتطير عنا الطياره هههههه
IMG_3234 وهذي كانت كل السفره وخلصنا التقرير بحمد الله :)
IMG_3245

My Trip to Turkey – Istanbul Day 6 رحلتي الى تركيا – اسطنبول اليوم السادس

DSC_1100 والله ادري اني صايره كسلانه ومن اشوف صور وايد اتنح وادري في ناس وايد يسألون عن باقي تقرير تركيا
بس ميخالف اعذروني شويه والله الصور تقص الظهر وقت التسنع والتصغير واللويه

المهم علشان ما اطول عليكم وعلى شان اذكركم باليوم اللي قبله – اضغط هنـا

اليوم السادس الله يسلمكم قررنا نقضيه من الصبح في مدينة العاب كانوا فاتحينها يديده اسمها
Vialand
اتذكر حزتها كنت مسويه سيرج بالنت و ماحصلت الا جم صوره للافتتاح مايبردون الجبد بس كاتبين انها يديده وكبيره فقلنا نروح نستكشف المكان
فأول ماقربنا يمها بالتاكسي شكلها كان صج يشوق والاحلى انه يمها مرتفع عليه مول كبير
احسن شي علشان نخلص ونتسوق مره وحده

هذي كاونترات الحجز
DSC_1101 التذكره كانت بقيمه ٧٩ ليره للشخص
DSC_1112 عند باب المدينه لقينا هالمهرجين يستقبلون الاوادم ويحلوهم نفسهم حلوه
DSC_0069DSC_1126 البوابه
DSC_1114 اول ماتدخلون تلقون منطقه لالعاب الاطفال
يعني لي حد ٨ سنين تقريبا او اقل
DSC_0002 بعدها تمشون في ممرات مستوحاة من البيوت التركيه القديمه
وحتى الارضيه نفس طريقتهم بالقرى والارياف
احنا كان معانا ويل جير حق خالتي فتلعوزنا شوي مو سهل حق العربانات الثقيله
DSC_0003 بعدها عاد بتشوفون بعض الالعاب
DSC_0005DSC_1130 بعدها تييكم نزله ودريات تنزلونها فاصحاب العربانات لهم نزله خاصه شوي بعيده
DSC_0008 الالعاب اللي تحت تكون شبابيه اكثر وحق الكبار
DSC_0011DSC_0012Screen Shot 2014-06-04 at 12.20.55 PMDSC_0026DSC_0031IMG_3051IMG_3070 تمثال القرده يونس للتصوير التذكاري
DSC_0059 عندهم اكشاك موزعه للحلويات والايس كريم
DSC_0010 وهم محلات خاصه للتذكارات الخاصه بالمدينة
DSC_1134 في بالمدينه مطعم واحد مو ذاك الزود وخذينا منه ماي وشي بسيط نسد فيه يوعنا
CollageImageqqqq رايي في الحديقه يعني ونيسه كأول مره اروح لها بس على كبرها المفروض تكون واو اكثر من جذي
يعني باختصار رحت لها مره بس ماظن اعيدها

عقب رحنا نتمشى في المول واهو مول مفتوح شارع بالنص محلات دار مداره ومسكر بالدور الارضي وفيه مطاعم سريعه فوق
المول يونس حق اللي ياي فيالاند م،و مال عنوه حق المول بروحه
DSC_0078DSC_0079 طبعنا نصنا تعبوا وقالوا بيروحون الفندق عقب المول والنص الثاني قلنا نبي نشوف مكان ثاني فخذيت براي احد من متابعين الانستغرام وقررنا نروح مطعم وقهوه اسمها يوليوس وايد مشهوره والتكاسي يعرفونها
موقعها اينن والمنظر اينن لانه المطعم على مرتفع ويطل على البحر
DSC_0084 انا طلبت قهوه تركيه
DSC_0097 والباجي طلبوا كابتشينو
DSC_0100 كانوا موصيني اذوق التراميسو
وكان فعلا شغل عدل لذيذذذذذ
DSC_0095 وطلبنا حلو ثاني على كريب وايس كريم ماكان ذاك الزود
DSC_0104DSC_0105 المطعم ماشاء الله زحمه وبعد مابدت تظلم الدنيا صار الجو احلى والقعده اتينن
شوفوا المنظر
DSC_0108DSC_0124DSC_0125 صار براااد ويابولنا كنابل وشغل عدل فقلنا بنتعشى موليه محنا طالعين
وطلبنالنا جويهه قبل العشا
DSC_0132 (2) واحنا قاعدين مانشوف الا هالريال اللي كل شوي احد سلم عليه ووقف يصوره
ويهه مو معروف بس قلت ماني مفوته الفرصه يمكن شخص مهم واتحسف لووول
قلت للويتر منو هذا ؟ المهم بعد جهد جهيد فهمت انه لاعب كره معروف عندهم
جان اقوله هاك الكاميرا صوره لي هههه مات ضحك بس اشوه حبوب راح استأذن منه وقاله هالطاوله يبون صورتك فسلم علينا من بعيد وصور
DSC_0134 (2) عشانا كان بيتزا مارجريتا وتكا لحم وكل شي لذيذ عندهم
DSC_0135 (2)DSC_0137 (2) هذا كان اليوم السادس وباقي بس يوم واحد ونخلص التقرير التركي اللي مو راضي يخلص :)

June FASH Box

DSC_0568 وصلتني اليوم علبة هالشهر من فاشن بوكس وهالمره المنتجات بالكامل من ماركة لش
٤ منتجات مغلفين وريحتهم تينن قبل لا افتحهم
انا من محبين لش :)
DSC_0570 اللي وصلني بالعلبه كان
Bath Bomb
حسافه متكسره لانها كانت مفقوصه بالعلبه بس مايمنع نستخدمها ماراح يفرق غير شكلها
عموما الكور اللي عندهم ريحتها اتينن وهي املاح ورغوه للمغطس وتهدي الاعصاب وقت الاسترخاء بحمام دافي
DSC_0572 2 Bath Soaps
احب صابونهم ملمسه نااااعم وريحته خنينه ويطول مايخلص بسرعه

1 Body Butter/Scrub
قطعه عباره عن زبده وبنفس الوقت سكراب
DSC_0574 اسعار الاشتراكات كالآتي
3 Months Subscription 24 KD 8 KD per month
6 Months Subscription 45 KD 7.5 KD per month
12 Months Subscription 84 KD 7 KD per month

Tel : 99920769
Instagram @Fashiliciouskw

Page 62 of 695« First...102030...6061626364...708090...Last »