منتجع صحارى الكويت

1
صديقتي صافي كانت مأجرة مع شاليه يومين بهالعطلة الطويلة في منتجع صحارى الكويت الموجود على الدائري السادس
انا زرت المنتجع اكثر من مره لكن لوجود ايفنت و دورات فما تمشيت فيه بصراحه ولا شفت المرافق
ولما دزت صافي صور الشاليه وايد عجبني وقلت تشوفون معاي الصور وبآخر صورة بتشوفون الورقة اللي فيها التفاصيل والاسعار

بعض المعلومات من الانترنت عن المنتجع
مرافق منتجع صحارى للجولف:

1- يشمل الملعب الرئيسي للجولف
2- نادي الصحي ويشمل مرافق رياضية + سونا + صالون + ملاعب سكواش و تنس + مسبح داخلي و خارجي صالة لألعاب الأطفال
3- شاليهات: الشاليهات العادية ولديهم مسبح مشترك + شاليهات ديلوكس لدية مسبح خاص
4- مبني نادي الأعضاء: يحتوي علي كوفي شوب وسناك + مطعم + صالة للأنتظار و صالات متنوعة أخري للجلوس و بلوكونات للمشاهدة.
5- صالة متعددة الأغراض كخدمة الأعراس
6- حلبة (مضمار) لسباق الخيول و الأبل

المنطقة الترفيهي:
1- المنطقة الترفيهية المغطاة البالغة مساحتها 15.8 الف متر مربع تقريبا والتي تضم 11 نشاطا منها 6 صالات موزعة للسينما وألعاب الفيديو، والتزلج على الجليد، والتزلج على الثلج، والعاب ربحية، بولينغ وبلياردو، الى جانب نشاطات اخرى كتسلق الجبال، ومغامرة الكهف، ومحلات تجارية، وكافتريات ومطاعم وغيرها.
2- المنطقة الترفيهية المكشوفة والتي تبلغ مساحتها 32.5 الف متر مربع وتضم مراجيح والعابا كهربائية وميكانيكية والكترونية، واكشاكا لبيع المأكولات ومواقف سيارات مغطاة تتسع لنحو 250 سيارة.

الأشتراك:
الاشتراك ينقسم إلى قسمين: أحدها اشتراك شامل والآخر اشتراك في النادي الصحي، فيما ينقسم الاشتراك الشامل بدوره إلى نوعين: العائلي وتبلغ قيمته 3800 دينار كويتي سنويا، وفردي نحو 2200 دينار كويتي، وكذلك الفردي إلى نوعين: احدهما عائلي بـ 1900 دينار كويتي، والفردي بـ 1050 دينارا كويتيا.

2
الفيلا من داخل
346
حمام السباحه الخاص
78
الصاله
9
المطبخ
10
الغرفة الاولى
11
الغرفه الثانية
12
الحمام مكرم السامع
13
ملاعب الغولف
141516
المطعم وبوفيه الريوق
171819
وهذي الورقة فيها كل التفاصيل من اسعار وخدمات وارقام
20

Review : Pintxos Restaurant

pintxos1
اول شي اعتذر عن رداءة الصور لأني مو مخططة اتعشى بمطعم اول مره اجربة وهم ما حبيت افوت فرصة اني اشارككم تجربتي :)
صديقاتي كانوا مجربين المطعم من قبل وحابينه واصروا اني اجربه سبقوني وطلبوا وكل اللي سويته طلبت عصيري ههههه اي صح وطبق ربيان بعد كان من اختياري
Pintxos المطعم اسباني واسمه
واهو احد المطاعم اللي يديرها الشيف احمد البدر
مكانه بالسيف بجانب برايم اند توست وسلايدر بس آخر السطرة صوب بينك مون
pintxos2
قبل لا ابدى اتكلم عن المطعم او الاكل
تنوية : اللي ما يحب الظلمه و الموسيقى العالية ما ينفع له المطعم
اجواء المطعم ماقدر اقول اضاءة هادية لأنه الاضاءة خافته كلش وصوت الموسيقى عالي جدا بس انا ماعندي مشكله مع هالشي :)
الديكور وايد حبيته غير تقليدي و مبتكر ومن اكثر الاشياء اللي لفتت نظري السقف
كان تحفه فنية بصراحه اقماع من الفلين اذا ماني غلطانه تغطي السقف كله مشكله اضاءة جميلة
وحتى الكراسي والطاولات بعضها غريب
pintxos3

اول شي سويته طلبت لي عصير لأني ميته عطش وكان عصير الليمون مع الليتشي شي عجيييييييييييييب وايد وايد طيب ومنعش
pintxos4
عصير بدورة كان الووتر ميلون مع الروز
pintxos5
Crispy Duck Salad
سلطة البط مع الجرجير شي وايد لذيذ مقرمشة وطيبه
pintxos6
ناتشوز الهالبينو والبيكن مع 3 انواع صلصات الطماط والساور كريم والبينز
الطبق وايد راهي ما شاء الله
pintxos7
Halloumi Bites
قطع الحلوم المشوي مع صلصة الووتر ميلون
pintxos8
Artichoke & Spinach Cappucino
صلصة لذيذة من الارضي شوكي مع السبانخ
pintxos9
الربيان نسيت اسمه بس ما حبيته
pintxos10
البرجر ماجربتها طلبوها البنات
pintxos11
المطعم عجبني وراح اكرر زيارته بس بجرب اطباق ثانية ان شاء الله والشي الوحيد اللي بكرره العصير وايد عجبني :)
Instagram @PintxosKw

Review : The Time Breakfast

thetime1
من زمان ما تريقنا في مكان يديد فقررنا هالاسبوع نتريق في احد الاماكن اليديدة في برج كيبكو واخيرا تم الاستقرار على كافيه يديد اسمه
The Time
مكان وايد كلاسيك وهادي وقعدته حلوة
thetime2thetime3

ترتيب الطاولة وايد حلو
thetime4thetime5thetime6thetime7thetime8thetime9thetime10
thetime11
المنيو بسيط جدا
thetime12
طلبنا كابتشينو
طبعا وانا مشغولة بالتصوير صديقتي نوره قالت لهم يكتبون اسامينا على القهوه :)
وفاجأتني بشكل القهوه العجيبة :)
thetime13thetime14
اكوابهم حدها زوغه على الستايل الانجليزي
thetime15
وصل طلب نوره وكان
Croque Madame
عباره عن قطعة توست وعليها تيركي وجبن شيدر و مغطيه بصلصة بشاميل وبيضه عيون
وايد لذيذة كانت
thetime16
انا طلبت فرنش توست كان جيد
thetime17
The Time is located in Kipco tower Shop #27
Tel : 22943244
Instagram @TheTimeKw

Jana’s 1st Birthday

janabirthday1
لما تعيشون حياة شخص لحظة بلحظة بيكون عزيز جدا عليكم وبتحبونه قبل لا تشوفونه شلون لما يحتفل بعيد ميلادة الاول وتشوفونه يكبر مو بس جدام عين امه وابوه حتى جدام عينكم :)
بيبي جنى الحبيبه عشنا قصتها قبل لا تنولد درينا بحمل سويره ودعينا ربي يتمم عليها ويعوضها خير
كنا ننطر نتيجة السونار نبي نعرف جنس البيبي وشفنا اول سونار سوته لحظات كانت جميلة عشناها اول بأول
علشان جذي هالعيد ميلاد كان غير وحضورنا كان مهم :)
jn
وهذي جنى الحلوة كاشخه حق عيد ميلادها الله يحفظها
janabirthday2
حبيت وايد تنسيق ماما سويرة اهي اللي مرتبة كل شي من الدعوات وطباعة الثيم الخاص بالبارتي وترتيب طاولة خاصة عليها اشياء تونس كل شي طالبته من مكان
@Bakerista كيكة العيد ميلاد والكيك بوبس من
janabirthday3janabirthday4
@Littletreatsq8 الكب كيك والكوكيز من
janabirthday5janabirthday6
استانست وايد على طريقة حليب الفراولة والاكواب والعواده زووووغه
طبعا المبدعه سويرة شمسوية شارية بطول ستاربكس اللي يبيعونهم في مركز سلطان ولولو هايبر على موكا وربعها ومفرغتهم وحاطة فيهم الحليب فراولة ومكشختهم بالشرايط والعواده خوش فكرة بس بطول تروبيكانا هم يسوون شغل وارخص من بطول ستاربكس اذا الغرض مو الشرب بس الحصول على هالنوع من القلاصات :)
@shop_rustic العواده ماخذتهم من اكاونت بالانستغرام اسمه
janabirthday7
الجياسة كانت مزهبتهم حق اليهال وفيهم اشياء تشوق وايد استانسوا فيهم
janabirthday8
وهذي الحلوة لجين مع البيرثداي قيرل جوجو اللذيذة :*
janabirthday9
يعطيج العافية سويرة على الحفلة الحلوة خفيفة ولطيفة وسريعه واليهال وايد استانسوا ماقصرتي :) وعسى الله يعطينا طولة العمر ونحضر كل اعياد ميلادها وتخرجها وعرسها واستقبال ولادتها وعيد ميلاد عيالها هههههه
Love u baby Jana :*

Eid Treats from Chocolate & Macaroon

Chmeidcake1
يوم الخميس رديت من الدوام ولقيت بالصاله 4 جياس كبار وجيس صغير من جوكليت اند ماكرون
هدية خاصة لعيد الاضحى المبارك
شنو كان فيهم ؟؟؟؟ 4 كيكات مختلفة من كيكهم اللذيذ وانا افتحهم كنت اقول يارب يايبين جيز كيك المحلبية لأني احبها وايد والحمدلله كانت من ضمن الكيكات :) واول كيكة حلينا فيها بعد الغدا
الباجي وديتهم كلهم وياي اليمعه علشان يستمتعون الحبايب بالكيك الطيب
وصفيناهم على الطاولة :)
Chmeidcake2
اول وحده جربوها كانت الكلاسيك جوكليت كيك
وايد عجبتهم بصراحه
Chmeidcake3
الثانية كانت كيكة الفستق
خيالية انا وايد حبيت الطبقة اللي فيها حشوة الفستق ناطعه
Chmeidcake4
Chmeidcake5
الريد فيلفت الصراحه ماقدرنا نذوق السكر ارتفع ههههه فكانت الاحتياط ليمعة الاهل الثانية بس انا كنت ذايقتها من قبل و كانت لذيذة
Chmeidcake6
جيز كيك المحلبية هذي غرامي انا وايد احبها لذيذة وطبقة المحلبية فيها ماي ورد لازم اقول هالمعلومه لأنه في ناس ما تحب ماي الورد بالمحلبية بس انا احبه طيب
هالكيكة اكثر كيكة انصح فيها لأنها المفضله عندي :)
Chmeidcake7Chmeidcake8

آخر شي كان بوكس الماكرون بطعم السولتد كاراميل
Chmeidcake9

شكرا لجوكليت اند ماكرون على العيدية الكريمه وعساكم من العايدين الفايزين يارب
Tel : 22997919
Twitter & Instagram @ChocoandMacaron

هدية العيد من چيزكيك فاكتوري

٢٠١٣١٠١٠-١٦٠٤٠٤.jpg
وصلتني هدية العيد من ذا چيزكيك فاكتوري
فتحت العلبه وحاشتي ريحه جميله
كانت كيكة كبيرة من نوع
Oreo dream extreme cheesecake
الكيكة ماشاء الله راهية وفريش ولذيذه
شكرا و عيدكم مبارك
٢٠١٣١٠١٠-١٦٠٦٤٢.jpg

٢٠١٣١٠١٠-١٦٠٧١٢.jpg

٢٠١٣١٠١٠-١٦٠٧٣٨.jpg
چيزكيك فاكتوري موجود بالاڤنيوز – غراند اڤنيو

Page 62 of 646« First...102030...6061626364...708090...Last »