The Delvaux X-RAY Bag

Delvaux_X-RAY-Bag_01
الماركة ماعرفها من قبل بس شفت صور لهالجنطه في الانستغرام شوقتني وسويت سيرج
كاتبين بجم موقع انها بتكون بالاسواق ب ١٥ يوليو
£470 بسعر
Link

شرايكم فيها ؟
Delvaux_X-RAY-Bag_03Delvaux_X-RAY-Bag_02

This entry was posted in Fashion.

غبقة حضرتُنا عند دندرمة

DSC_0087 قبل چم يوم سوت لنا دندرمه غبقة صغيره مريحه نجابل فيها بعض لانه من زمان ماتيمعنا
طبعا كالعاده سويره وجاكي وصلوا قبلي ههههه
احب يمعات ندويه الواحد ياخذ فيها راحته باللبس والقعده وكل شي باختصار راحه نفسيه چني رايحه بيت اختي عسى الله لايغير علينا
كل يمعه نتفق انه ماناكل بالبيت علشان ناكل يميع ونستانس ونشتري اللي بخاطرنا ونجربه يميع
قعده ارضيه وجاي وقهوه وسوالف احلى شي 🙂
مناقشات على مسلسلات رمضان اللي هالسنه والوضع العام بالسوشال ميديا ورمضان وحلاته ولازم طواري جوجو المزيونه بنت سويره 🙂
photo المعجنات من الدنماركيه نتيييفه لذيذين
DSC_0122 وملكة القعده كانت كيكة اليوغرت والفستق من بيك يو طالبتها لنا سويره
عجيييييييييبه
DSC_0104 بااارده وطيبه يم يم
DSC_0115 انا طلبت محلبيه مع غزل البنات من براون توميتو
بصراحه ماحبيتها شكلها وايد احلى من الطعم 🙁
DSC_0094DSC_0098 كنافه جاكي 🙂
DSC_0090 وحلويات رمضانيه
DSC_0125 خوش غبقة سميناها #غبقةـحضرتنا
اللي يتابع سرايا عابدين بيفهم 😉

قهوة وحلو في دكاكيـن

photo 4 اول امس طلعت مع نوره رفيجتي بعد الفطور على طول عندي چم شغله بخلصها في مجمع الصالحيه
وبعد ما خلصت قلنا نقعد في كافيه نقعد راسنا بقهوه ونحلي
فتذكرت مطعم دكاكين في ميزانين٢ وايد ناس حطوا صور شوقوني على زيارته

المكان يونس والديكور عجيب فنكي على سوالف الطيبين على الوان وايد حبيته
photo 2 عادت عليكم يا هـــلا
photo 3 المنيو منوع وفيه اشياء خطيره
photo 5 حاطين على كل طاوله جيس صغير داخله قراميش شي على زعتر وشي بالعسل
لذيذذذذ
photo 1 طلبت كابتشينو طيب
عجبتني الرسمه لوول كافيين يعدل المزاج
photo 2-2 هالشي الخيالي اسمه غيبوبه شوكلت بودينغ
شي ماصاااااار طيب طيب طيب
photo 3-2 Dikakeen is Located in Salhiya Complex, The M2
Tel : 97728587
Instagram @Dikakeen

ايزي چارچ لشحن الهواتف في الافنيوز

IMG_4934 اثناء سفرتي لتركيا العام شفت آلة شحن الهواتف النقاله بأكثر من مكان ونفس الشي هالسنه بدبي مول شفنا من بعيد آله شحن
استانست وايد لما كلمتني الاخت عذوب وبلغتني عن توفر الجهاز بداية شهر يوليو في مجمع الافنيوز

وايد ناس يحبون يقضون في الافنيوز وقت طويل كونه مكان مو بس للتسوق صارت يمعاتنا العائليه والسينما كلها هناك
فشحن الموبايل يخلص بسرعه حتى لو معانا الشحن الاضافي
فهالجهاز بيخلينا مانحاتي هالشي

الحلو بهالجهاز انه طريقة استخدامه جدا سهله والجهاز آمن مايحتاج توقفون تنطرون جهازكم لانه فيه صناديق ماتنفتح الا بعد ماتحطون الباسوورد اللي انتوا تختارونه اضافه لوجود ٥ انواع شحن لاغلب انواع الاجهزه النقاله
وفيه بروشور عن طريقة الاستخدام تلقونه في خدمة العملاء
IMG_4940photo 4-3photo 3-3IMG_4938 الجهاز حاليا يقبل فقط العمله القديمه لحين برمجته على العمله الجديده
IMG_4936 الاجهزه موجوده ب٣ اماكن بالافنيوز
* فيز ١ بجانب شركة زين وستاربكس
* فيز ١ بجانب شيك شاك وبريشكا
* فيز ٢ بجانب دين اند ديلوكا

Tel : 90093033
Instagram @EZchargeKw
Site Link

Review : Milas Restaurant .. Dubai

IMG_1964 ميلس مطعم في دبي مول يقدم الاكل الاماراتي التقليدي وبعض الاطباق العربيه
ماشاء الله كان المطعم مزدحم اول ما وصلنا فقلنا دام زحمه اكيد اكله تمام
IMG_1973 عطونا الايباد على ستاند خاص والحلو انه كل الوجبات موجودين بالمنيو بالصور وهالشي وايد اريح من لما يكون المنيو مطبوع فقط
IMG_1970IMG_1967 ضيفونا بالنخي والزعتر كان شي لذيذ جدا
IMG_1979 قدمولنا نوعين من الخبز العربي الطازج
عجيييب
IMG_1980 طلبنا حمص ميلس
كان طيب والبصل المقرمش فوقه معطيه طعم نارررري
IMG_1982 كباب ميلس
كان لذيذ جدا
IMG_1986 دياي شوي
IMG_1987 وبعد ما خلصنا ماقصروا يابولنا الطيب يطيبونا
IMG_1994 واعوادة الاسنان
IMG_1992 وهذي فاتورتنا
IMG_1989 مطعم ميلس في دبي مول، الدور الارضي، ذا فيلج
Tel : 043882313
Instagram @MilasRestaurant
Site Link

Page 61 of 699« First...102030...5960616263...708090...Last »